کەناڵی ئاسمانی گەلی کوردستان

  Live

هەواڵەکان

‎لە 9 ی شوباتی 2004 دا چی روویدا ؟

.

04:20 PM - 09/02/2024

 

‎بورهان ڕەمەزان 

 

‎بە درێژایی مێژووی گەلی کورد چەندین ڕوداو هەن کە دەبێت کورد وەک نەتەوە هەموو ساڵێک یادیان بکاتەوە..

‎نۆ ٩ ی شوباتی 2004 یش یەکێکە لەو ڕوداوە گرنگانەی چوەتە ناو مێژووی کوردەوە کە ئەویش مورافەعە گەورەکەی سەرۆک مام جەلال ە کە کوردستانیبوونی کەرکوکی بە دیکۆمێنت و بەڵگە سەلماند، بە درێژایی مێژووی سەرۆک مام جەلال لە هەوڵدابوو بۆ نەتەوە و نیشتمانەکەی.

‎مام جەلال سەر ڕاستانە خەباتی کرد ، ژیرانە سیاسەتی کرد ، لە دوای ئازادبوونی باشوری کوردستان، مام جەلال دەیویست لە عیراقێکی فیدڕاڵدا کێشەکانی کورد چارەسەر بکات و هەموو نەتەوە جیاوازەکان ڕازی بکات. 

‎سەلماندنی کوردستانیبوونی کەرکوک لەسەر دەستی جەنابی مام جەلال لە مەجلیسی حکومدا نابێت ئەو یادە بە کەم سەیر بکرێت ، چونکە مام جەلال زۆر بوێرانەو ئازایانە هەم لەبەردەم مەجلیسی حکومدا و هەمیش لە وتارەکانیدا تەئکیدی لەوە دەکردەوە کەرکوک شارێکی کوردستانییەو سازش لەسەر بستێک لە خاکی باب و باپیرانمان ناکەین و کەرکوک مەسەلەیەکە بەلای ئێمەوە موقەدەسە دەبێت برا عەرەبەکانمان لەوە تێبگەن چەند قودس بەلای برا عەرەبەکان گرنگ و موقەدەسە ئەوەندەش کەرکوک بەلای گەلی کوردەوە گرنگ و موقەدسە، قەتیش سازشی لەسەر ناکرێت، هەروەها لە دیدارێکی ڕۆژنامەوانیدا مام دەڵێت لەبەر ئەوەنا کە کەرکوک نەوتی لێیە بەڵکو خاکی باب و باپیرانمانە دواسنوری کوردستانی باشور چیای حەمرینە..

‎نەخشەیەکی سەردەمی عوسمانیەکان دەیسەلمێنێت کە کەرکوک شارێکی کوردستانیە، هەر ئەم نەخشەیەش بوو مام جەلال لەبەردەمی مەجلیسی حکومدا ڕایخست و راستی و دروستی کوردستان بوونی کەرکوکی خستە بەردەم سەرکردە عیراقیەکان کە ئەو کات لە مەجلیسی حکومدا ئەندامبوون ، سەرکردە عیراقیەکان بەسەرسوڕمانەوە سەیری نەخشەکەیان دەکرد ئاخۆ مام جەلال ئەم نەخشەیەی چۆن و کەی و لەکوێ دەستکەوتوە ، بەڵام بۆ سەرکردەیەکی وەک مام جەلال ئاسان بوو، چونکە ئەو توانای سەرخستنی خەباتی نەتەوەکەی بوو ئەو نەخشەیەش لە پیاوێک وەرگرتبوو کە ئەویش لە باب و باپیرانیەوە وەدەستی خستبوو پاراستبووی تا بە ئامانەت دایە دەستی جەنابی مام جەلال ئەویش لە 9ی شوباتی 2004دا کوردستانیبوونی کەرکوک و ناچە دابڕێنراوەکانی سەلماند کە بۆ نەوەکانی داهاتوو هەم یاد دەکرێتەوە و هەمیش بووە بە بەڵگەیەکی مێژووی بۆ ھەتا ھەتایە..

لە تۆڕە کۆمەڵایەتیەکان شەیری بکە

سەرەوە