کەناڵی ئاسمانی گەلی کوردستان

  Live

هەواڵەکان

شەمەندۆفەرەکەی کەرکوک هەروا بۆ پێشەوەیە

.

11:12 PM - 07/12/2023

شەمەندۆفەرەکەی کەرکوک
هەروا  بۆ پێشەوەیە

ستران عەبدوڵڵا

(هاوپەیمانی کەرکوک هێز و ئیرادەمانە) بە ماوەیەکی  کەمی هەڵمەتی دیموکراتی ، بە  خیتابی نەرم و ژیری ، توانی ئیرادەی بەرەنگاری، کە خۆی لە بنچینەدا ئیرادەیەکی رەسەنە، لای کۆمەڵانی خەڵک ببوژێنێتەوە و   بیخاتەوە سەر شەمەندۆفێری تێکۆشانی نەتەوەیی و نیشتمانیی رەوا و رەوان، ئەم لیستی ١٤٢ کە سەنگەری قایمی کوردایەتییە کارێکی کرد ئەدگاری شۆک  و باریکە خەمی  کاتی لە سیمای مرۆڤی ئەم مەملەکەتە بسرێتەوە. لە جێی شڵەژان و شەمزان ، ئارامی و گەشبینی، لە جێی نیگەرانی و پەستی، هیوا  و چاوەروانییەکی ئەسەحی بێنێتە کایەوە.
ئەم  وزە  ئیجابییە و ئەم خواستە قووڵە هەر هەبووە و ئیشی تێکۆشەرانە کە ژیلەمۆکەی لەم زستانەشدا بگەشێننەوە و واشیان کرد.
ئێستا ئیتر  میللەت ساز و ئامادەی نەبەردییەکەیە و ئەم هەفتەی ماوە وەک رەوتەنی دووەمی مانگی رەمەزانە و رووی لە ئەلەوەداعە ، چاوەرێی هیلالی جەژنە لە ١٨-١٢-٢٠٢٣  کە یاخوا بەخێر بێت.
جا لەو ئەرکەدا کورد و هاوپەیمانییە پەسەندەکەی لە رێگا تووشی ئەم بەربەستی ناقۆڵا  و ئەو قۆرتی نارەوا دەبێت .. وەک دەنگۆی  دواخستنی هەڵبژاردن و  وەک داخستنی دەریچەی یەکریزی و ئینجا گەشانەوەی بنەی  ئاگری دۆستانە و   بڵقی دەلەسەی نالەباران کە چمکی کەوا دەگرێت  تا کەمێک ماراسۆنەکە رابگرێت. بەڵام کاروانەکە هەروا دەروا و هەروا رووی لە سەرکەوتنە بەسەر تەعریب و داهیزرانی ئیداری و حوکمڕانیدا لە کەرکوک.
ئیتر قەدەرە یەکێتیی و هاوپەیمانییەکەی خەریکی ئەرکە قورسەکە بێ و وازی لاسارئ (تلیماج)یش خەریکی دانە بۆشی رانەندەیی بێت.

لە تۆڕە کۆمەڵایەتیەکان شەیری بکە

سەرەوە