کەناڵی ئاسمانی گەلی کوردستان

  Live

هەواڵەکان

کێتبی مام جەلال لەوەڵامی ٧٤ پرسیاردا لەشنگال ناسێندرا

.

07:59 PM - 06/12/2023

کێتبی مام جەلال لەوەڵامی ٧٤ پرسیاردا لەشنگال ناسێندرا

 

لەرێوڕەسمێکدا بەئامادەبوونی هەڤاڵ سەرکەوت زەکی ئەندامی مەکتەبی سیاسی و لێپرسراوی مەکتەبی ڕێکخستن، ئاراس محمد ئاغا ئەندامی سەرکردایەتی، شێخ داود جندی  لێپرسراوی مەڵبەندی شنگال و کاندیدەکانی لیستی ١٣٤ی (اتحاد اهل نینوی) و جەماوەرێکی فراوان،  لەقەزای شنگال  کتێبی (مام جەلال لەوەڵامی ٧٤پرسیاردا) ناسێدرا. لە رێوڕەسمەکەدا  کتێبەکە وەک دیارییەکی دامەزراوەی سەرۆک  جەلال تاڵەبانی و مەکتەبی ڕێکخستنی یەکێتی بە هەرسێ زمانی کوردی، عەرەبی و ئینگلیزی پێشکەش بەئامادەبوان کرا، لای خۆیەوە داود جندی لێپرسراوی مەڵبەندی شنگال سوپاسی دامەزراوەی سەرۆک  جەلال تاڵەبانی و مەکتەبی ڕێکخستنی کرد بۆ ئەو دیارییە بەنرخ و پڕبایاخە کە گەورەترین دیارییە بۆ شنگال و شنگالییەکان

دواتر ڕۆژنامەنووس ڕێبوار ستار ئامادەکاری کتێبەکە بەر لەدابەشکردنی کتێبەکە باسی لە بیرۆکەی بەچاپگەیاندن و گرنگی ئەم کتێبە کرد و ئاماژەی بەوەدا ئەم کتێبە وەک دیارییەک پێشکەش بەشنگالییەکان دەکرێت، چونکە سەرۆک مام جەلال هەمیشە پشتیوانیەکی بەهێزی شنگال و ئێزدییەکان و هەموو کۆمەڵانی خەڵکی سنوورەکە بووە، بۆیە ئەم دیارییەمان بەدیاری بۆ هێناون  هەروەک پشتیوانییەکیش لە لیستی ١٣٤ی (اتحاد اهل نینوی) و کاندیدەکانیەتی، دواترلەرێوڕەسمەکەدا  کاندیدەکانی لیستی ١٣٤ ی ( اتحاد اهل نینوی) کتێبەکەیان  پێشکەش بەئامادەبوان کرد

bfb2fce6-b33d-492a-9a38-7a3bdc032d7a.jpg

586fa573-da54-4fd0-8f51-7ecfb44e75f3.jpg

9e6ab619-9730-46e8-ba27-8eb5c8b5bccb.jpg

08a422a7-abd8-46d8-b810-3d2f3ec7ba3b.jpg

لە تۆڕە کۆمەڵایەتیەکان شەیری بکە

سەرەوە