کەناڵی ئاسمانی گەلی کوردستان

  Live

هەواڵەکان

وەفدێکی باڵای ژنانی باکوری کوردستان سەردانی خاتوو شاناز ئیبراهیم ئەحمەد دەکەن

.

02:15 PM - 30/11/2023


خاتوو شاناز ئیبراهیم ئەحمەد لەنوسینگەی تایبەتی خۆی لەشاری سلێمانی چاویکەوت بە وەفدێکی باڵای ژنانی باکوری کوردستان، بەسەرۆکایەتی سەباحەت ئەردۆغان ئەندام پەرلەمان لە شاری سێرت.
لەودیدارەدا تاوتوێی پرسە نەتەوایەتی و نیشتمانییەکان و رۆڵی جێ بایەخی ژنانی کورد لەبوارەکانی رێکخراوەیی و سیاسی و کلتووری دا کرا.
لەوبارەیەوە خاتوو شاناز رایگەیاند ئێمە وەک قەڵایەک سەیری ئەوان دەکەین، سەربەرزین کەتوانیویانە دەنگی خۆیان بگەیەننە ناو شارەوانییەکان و پارلەمان سەرباری سەختی ژیان و سیاسەت لەباکوری کوردستان.
خاتوو شاناز ئیبراهیم ئەحمەد وتیشی دەبێ هەرگیز ئێمەی ژن ڕێگە نەدەین کە نە سنور و نە سیاسەت بکەوێتە نێوانمانەوە.
لەکۆتایی دیدارەکەدا خاتوو شاناز کۆبەرهەمی رووناکبیر و سیاسەتمەدار مامۆستا ئیبراهیم ئەحمەد-ی کردە دیاریی بۆ ئەندامانی وەفدەکە.

لە تۆڕە کۆمەڵایەتیەکان شەیری بکە

سەرەوە