.
11:18 - 21/09/2023
بەڕێزان سەرۆك و ئەندامانی مەكتەبی
تەنفیزی یەکێتیی زانایانی ئایینی ئیسلامی كوردستان
مامۆستایانی ئایینی پایەبەرز
بەبۆنەی یادی ٥٣ ساڵەی دامەزراندنی یەکێتیی زانایانی ئایینی ئیسلامی کوردستانەوە گەرمترین پیرۆزباییتان ئاراستە دەکەم و هیوای سەرکەوتن و بەردەوامیتان بۆ دەخوازم.
لەم یادەدا رۆڵی یەکێتیی زانایانی ئایینی ئیسلامی کوردستان و مامۆستایانی ئایینی بەرز دەنرخێنم لە پەرەپێدانی میانڕەوی و گیانی و لێبوردەیی و کلتوری پێکەوەژیانی ئاشتییانەی نێوان هەموو پێکهاتەکانی کوردستان.
لەم قۆناغەشدا کە زیاتر لە هەر کاتێکی دیکە گەلەکەمان پێویستیی بە بەهێزکردنی میانڕەویی و ئاشتەوایی کۆمەڵایەتی هەیە، هیوادارین یەکێتیی زانایانی ئایینی ئیسلامی کوردستان و مامۆستایانی ئایینی بەڕێز پێداگرتر لە رابردوو هەوڵ بۆ نەهێشتنی توندڕەوی و چارەسەرکردنی کێشە کۆمەڵایەتییەکان بدەن، بە دڵنیاییەوە مێژوو ئەم هەوڵە گرنگ و جێی بایەخەتان لەبیر ناکات.
قوباد تاڵەبانی
جێگری سەرۆکی ئەنجومەنی وەزیران
لە تۆڕە کۆمەڵایەتیەکان شەیری بکە
