.
02:58 PM - 30/05/2023
ناتۆ مانۆڕێکی سەربازی بەبەشداری 150فڕۆکە ئەنجام دەدات.
سوپای فنلەندا لەبەیاننامەیەكدا ڕایگەیاند :مانۆڕێكی سەربازی فراوان بەبەشداری 150 فڕۆكەی جەنگی وڵاتانی رۆژئاوا لەجەمسەری باكوور دەستیپێكردووە.
ئاماژەی بەوەشكردووە مانۆڕەكە لەهەریەك لەوڵاتانی سوید و فنلەندا و نەرویج بەڕێوەدەچێت بۆ دوو هەفتە بەردەوام دەبێت.
سوپای فنلەندا ئەوەشیخستۆتەڕوو، مانۆڕە سەربازییەكە بەبەشداری فڕۆكە جەنگییەكانی هەریەك لەوڵاتانی ئەمریكا، بەریتانیا، فەرەنسا و ئەڵمانیا ئەنجام دەدرێت و ئامانج لێی بەهێزكردنی توانا سەربازییەكانی هاوپەیمانی ناتۆیە لەناوچەكانی جەمسەری باكوور.
مانۆڕی سەربازی ناتۆ لەوڵاتانی ئەسكەندەناڤی ساڵانە ئەنجام دەدرێت و ئەمساڵیش دوانزە وڵاتی هاوپەیمانی ناتۆ و هەریەك لەوڵاتانی سوید و سویسرا تێیدا بەشدارن.
لە تۆڕە کۆمەڵایەتیەکان شەیری بکە