.

01:38 PM - 19/03/2023

قوباد تاڵەبانی بەبۆنەی یادی 44 ساڵەی دامەزراندنی ئێزگەی دەنگی گەلی كوردستانەوە پەیامیكی پیرۆزبایی ئاڕاستەی بەرێوەبەر و كارمەندان و میدیاكارانی دەنگی گەلی كوردستان كرد و رایدەگەیەنێت: ئەم ئێزگە گرنگەی سەردەمانێك دەنگی خەبات و تێكۆشانی پێشمەرگە و نەبەردییەكانی رۆڵە گیانفیداكانی كوردستانی دەدا بەگوێی جەماوەری خۆڕاگردا، مایەی شانازییە كە ئێستا لەگەڵ سەردەمەكەدا خۆی گۆڕیوە و نوێبوونەوەی كردۆتە كردار.

دەقی پەیامەكەی قوباد تاڵەبانی سەرپەرشتیاری مەكتەبی سكرتارییەتی سەرۆك مام جەلال:

 

بەرێوەبەر و كارمەندان و میدیاكارانی دەنگی گەلی كوردستان 

 

بەبۆنەی یادی 44 ساڵەی دامەزراندنی ئێزگەی دەنگی گەلی كوردستانەوە، گەرمترین پیرۆزباییتان لێ دەكەم و هیوای پێشكەوتنی زیاترتان بۆ دەخوازم. 

ئەم ئێزگە گرنگەی سەردەمانێك دەنگی خەبات و تێكۆشانی پێشمەرگە و نەبەردییەكانی رۆڵە گیانفیداكانی كوردستانی دەدا بەگوێی جەماوەری خۆڕاگردا، مایەی شانازییە كە ئێستا لەگەڵ سەردەمەكەدا خۆی گۆڕیوە و نوێبوونەوەی كردۆتە كردار.

بۆ ساڵی نوێی تەمەنی دەنگی گەلی كوردستان بەرەوپێشچوونی زیاتر لەبواری میدیا، جۆراوجۆریی لەبەرنامە و بابەتەكانی، داهێنان و نوێگەری زیاتر لەكۆی كارەكانی ئەم سەكۆ میدیاییە گرنگە دەخوازم. 

 

قوباد تاڵەبانی 

سەرپەرشتیاری مەكتەبی سكرتارییەتی سەرۆك مام جەلال