.
10:15 AM - 19/03/2023
سەرۆکی یەکێتی نیشتیمانی کوردستان بافڵ جەلال تاڵەبانی، پەیامێکی پیرۆزبایی ڕاگەیاند لە ٤٤ەمین ساڵیادی دامەزراندنی دەنگی گەلی کوردستان.
دەقی پەیامەکە:
بەڕێزان بەڕێوەبەر، رۆژنامەنووس و کارمەندانی دەنگی گەلی کوردستان
لە ٤٤ـەمین ساڵیادی دامەزراندنی دەنگی گەلی کوردستان، پیرۆزباییەکی گەرمتان لێدەکەم و هیوای بەردەوامی و سەرکەوتنی زیاترتان بۆ دەخوازم.
یەکێتیی نیشتمانیی کوردستان شانازی بە مێژووی درەوشاوەی دەنگی گەلی کوردستانەوە دەکات کە لە رۆژگاری سەختی خەباتدا وێستگەیەکی گرنگی جۆشدانەوەی گیانی کوردایەتی بوو و لە سەروەختی راپەڕینیشیدا، بزوێنەری شۆڕشگێڕان بوو لەپێناو بەدەستهێنانی ئازادی و سەرفرازی.
هیوادارم هەڵگر و پارێزەری ئەم بەرپرسیارێتییە مێژووییەبن و لە ساڵی نوێی کارکردنتاندا هاوشانی بەرەوپێشچوونە میدیاییەکان، ئەرکەکانتان بەجێبهێنن و ئێمەش پشتیوانتان دەبین.
لە تۆڕە کۆمەڵایەتیەکان شەیری بکە
