.
11:26 AM - 31/01/2023
قوباد تاڵەبانی سەرپەرشتیاری مەكتەبی سكرتاریەتی سەرۆك مام جەلال پەیامێكی لە 45 ساڵەی شەهیدبوونی "كاك ئارام" بڵاوكردەوە و دەڵێت، یەکێک بوو لەو سەرکردانەی رۆڵی کاریەگریی لە هەڵگیرساندنەوەی شۆڕشی نوێی گەلەکەماندا، هەبوو
قوباد تاڵەبانی لە پەیامێكدا بۆ ساڵیادی شەهیدبوونی سەركردەی یەكێتی "كاك ئارام" پەیامێكی لە هەژماری خۆی بڵاوكردووەتەوە و دەڵێت، "کاک ئارام، سەرکردەیەکی زرنگ و لێهاتووی یەکێتیی نیشتیمانیی کوردستان بوو".
هەروەها دەڵێت، "یەکێک بوو لەو سەرکردانەی رۆڵی کاریەگریی لە هەڵگیرساندنەوەی شۆڕشی نوێی گەلەکەماندا، هەبوو. لەو بارودۆخە ناهەموارەی گەلەکەماندا، هیوا و باوەڕی لەنێو کۆمەڵانی خەڵکی کوردستاندا، ژیاندەوە".
بۆیە دەڵێت، "٤٥ ساڵ بەسەر شەهیدکردنیدا تێپەڕیوە، بەڵام ئێستاش دەکرێت سوود لە بیروبۆچوونە پێشکەتنخوازییەکانی وەربگیرێت".
لە كۆتایی پەیامەكەی قوباد تاڵەبانی هاتووە، "رۆحی کاک ئارام و سەرجەم شەهیدانی ڕێگەی ڕزگاریی کوردستان شاد بێت، ناوی لە مێژووی نەتەوەکەماندا، ئێجگار درەوشاوەیە".
لە تۆڕە کۆمەڵایەتیەکان شەیری بکە