کەناڵی ئاسمانی گەلی کوردستان

  Live

هەواڵەکان

دۆلاری كوردی ... بازاڕ گڕی گرتووە !!

.

07:10 - 11/01/2023

دۆلاری كوردی ... بازاڕ گڕی گرتووە !!

دۆلارە كوردیەكەی حكومەتی هەرێم لە كوێیە ؟؟

 

دوو هەفتەیە نرخی دینار بەرامبەر دۆلار دابەزیوەو بازاڕ گڕی گرتوە و نرخی كاڵا و شمەك نزیكەی دوو هێندە بەرزبۆتەوە، ٣ هێلكە بووە بە هەزار دینار، دەبەیەك زەیت بە ٤ هەزار دینارە، كیلۆیەك گۆشت ١٨ هەزار دینارە، كەچی حكومەتی هەرێم لەبری ئەوەی شان بداتە بەری و كەمێك هاوكاری بازرگان و بازاڕو خەڵك و موچەخۆر بكات كەچی كەس نازانێت دۆلاری كوردی چی لێدێت ؟

 

كەی ڕەوایە هاوڵاتیەك یان فەرمانبەرێك خەرجی ڕۆژانەی بۆ دوو هێندە زیادیكردبێت و بازار لەوپەری خراپیدا بێت لەبری ئەوەی حكومەت بە رپرسیارانە بێتە پێشەوە و وەك حكومەتی عێراق كارئاسانی بۆ خەڵك بكات، بە خستەبازاڕی ئەو دۆلارەی لە فرۆشتنی نەوتەوە دەستی دەكەوێت كە ڕۆژانە نزیكەی ٣٠ ملیۆن دۆلارە، جگە لەو ٢٢ ملیۆن دۆلارەی هاوپەیمانان و ئەو دۆلارەی لە خاڵەسنوریەكان و گومرگ وەریدەگرێت،ئەگەر حكومەتی هەرێم ڕۆژانە ئەم ٣٠ ملیۆن دۆلارە بەنرخی بانكی ناوەندی كە ١٤٦ هەزار دینارە بخاتە بازاڕەوە، ئەوا كێشەی دابەزینی بەهای نرخی دیناری عێراقی چارەسەر دەكات و هەم گرانی نرخی كاڵاو شمەك چارەسەردەكات هەم بەشێكی گەورەی ئەم فەوزای دۆلارە چارەسەر دەكات لەسەر ئاستی هەموعێراق،كەچی تا ئێستا دۆلاری كوردی بێ سەروشوێنەو كەس نازانێت لەكوێیە!!

 

ئایا بەڕاستی پارەی نەوتی هەرێم لەكوێیە و لای كێیە و چ وڵاتێك تەحەكومی پێوە دەكات؟

 

ئایا پارەی نەوتی هەرێم كە بەدۆلار دەفرۆشرێت هەر لە ئەسڵدا نایاتەوە هەرێمی كوردستان؟ یان دێتەوەو بەڕێگای جیاواز دەنێرێت بۆوڵاتانی دراوسێ؟

 

ئەگەر نا بۆ چی حكومەتی هەرێم ئەو دۆلارە ناخاتە بازاڕەوە؟

 

ئەگەر بەڕاستی ئەو دۆلارە كوردییە دێتەوەو حكومەتی هەرێم دەیخاتە بازاڕەوە ئەوا ئەم كێشەیەی ئێستای دینارودۆلار نامێنێت و كێشەی سیولەی دۆلار نابێت وەك ئەوەی كەئێستا هەیە، ئەگەر ناشیخاتە بازاڕەوە ئەوا كەواتە پارەی نەوتی هەرێم هەر نایەتەوە كوردستان و هەر لە توركیایە و ئەمەش ئەو پرسیارە دروست دەكات چەند ساڵە كە حكومەتی ناوەند پارە نانێرێت بۆ هەرێم ئەی حكومەتی هەرێم بەچی موچەی داوە؟ ئەگەر بەپارەی نەوت داویەتی ئەو هەموو دۆلارە كوردییە لەماوەی ئەم ٨ ساڵەدا بۆ كوێ چووە كە چەندین ملیارد دۆلار دەكات؟

 

سەركۆ ئازاد گەڵاڵی 

ئەندامی لیژنەی دارایی

 پەرلەمانی كوردستان

لە تۆڕە کۆمەڵایەتیەکان شەیری بکە

GK Sat Frequencies

NileSat:V:11636 - 27500

سەرەوە