.
02:01 PM - 29/09/2022
بەرپرسانی یانەی رۆمای ئیتاڵی بە شێوەیەكی رەسمی هاتۆتە سەر هێڵ تا لە ماوەی داهاتوودا گرێبەستێك لەگەڵ ئیدین هازاردی بەلجیكی و هێرشبەری یانەی ریاڵ مەدریدی ئیسپانی ئیمزا بكەن و ناوبراویش لە میركاتۆی زستانەدا بە شێوازی خواستن ببنە یاریگای ئۆڵۆمپیكۆ.
سەرچاوەكانی هەواڵ ئاشكرایان كردووە: بەرپرسانی یانەی رۆما بە شێوەیەكی رەسمی پەیوەندیان بە بەڕێوەبەری كارەكانی هازاردەوە كردووە، تا لە میركاتۆی داهاتوودا ناوبراو روو لە ریزەكانیان بكات.
سەرچاوەكانی هەواڵ ئاماژەیان بەوەشكردووە: هازارد لای خۆیەوە پێشوازیكردووە لە چوونە ریزەكانی ئەو یانە ئیتاڵییە كردووە و داوای لە بەڕێوەبەری كارەكانیشی كردووە كە بە زووترین كات لەگەڵ بەرپرسانی ریاڵ مەدرید كۆببێتەوە و چارەنووسی یەكلایی بكەنەوە.
سەرچاوەكان ئاماژەیان بەوەشداوە: بەرپرسانی یانەی رۆما لە پێناو گواستنەوەی ئەو یاریزانە لە چەند هەفتەی داهاتوودا گفتوگۆكانیان لەگەڵ ئیدارەی میرینگی چڕ دەكەنەوە، ئەویش تا رەزامەندی پاڵەوانی وەرزی رابردووی چامپیۆنس لیگ بەدەست بهێنن و بۆندی ئیدین هازاردی تەمەن 31 ساڵ بە سوودی خۆیان یەكلایی بكەنەوە.
لە تۆڕە کۆمەڵایەتیەکان شەیری بکە
