سەرلەبەیانی ئەمڕۆ پێنجشەممە ٢٢/٩/٢٠٢٢ شاڵاو کۆسرەت رەسول بەهاوڕێیەتی د. میران محەمەد ئەندامی مەکتەبی سیاسی سەردانی دەڤەری راپەڕینی کرد.لەمیانی سەردانەکەیدا شاڵاو کۆسرەت رەسول سەردانی مەڵبەندی 24 ی ڕاپەڕینی کرد و لەلایەن هەڤاڵ (ئەحمەد زرار) لێپرسراوی مەڵبەند و ستافی مەڵبەندەوە پێشوازی لێکرا. لەمیانی کۆبوونەوەیەکی لەگەڵ ستافی مەڵبەند گفتوگۆکرا لەبارەی دۆخی کوردستان و رۆڵی یەکێتیی لەپڕۆسەی سیاسی کوردستان و عێراق.لە بەشێکی تری کۆبوونەوەکە شاڵاو کۆسرەت رەسول وتەیەکی لەبارەی دۆخی کوردستان و یەکێتی پێشکەشی بەشدارانی کۆبوونەوەکە کرد.لە درێژەی سەردانەکەیدا شاڵاو کۆسرەت رەسول سەردانی ماڵی ژمارەیەک تێکۆشەرو فەرماندەو کەسوکاری شەهیدی سنوورەکەی کردو بەشداری لە چەند پرسەیەکیش کرد.