کەناڵی ئاسمانی گەلی کوردستان

  Live

هەواڵەکان

خاک و خەڵک و نیشتمان

.

09:36 - 08/08/2022

خاک و خەڵک و نیشتمان

 

خاک و خەڵک و نیشتمان تەواوکەری یەکن و پێویستن بۆ دەستنیشانکرنی کەسایەتی مرۆڤەکان و مێژووی نەتەوە و زمان و فەرهەنگ و ناسنامە، بەهەمان شێوە گەورەترین بەرپرسیارێتی مرۆڤن کە بیانپارێزێت.

کورد لە دێر زەمانەوە ناڵاندوویەتی بە دەست ستەمی داگیرکەرانەوە و خاکەکەی دابەشکراوە.

زیاتر لە سەدەیەک دەبێت خەبات دەکات بۆ رزگاری و ئازادی، دژی داگیرکەران دەوەستێتەوە و کۆڵ نادات لە بەدەستهێنانی داوا رەواکانی.

ئەگەرچی ئێستا تاڕادەیەک خاک و نیشتمانمان ئازادە و لە دەستی خۆماندایە، بەڵام گەرانتییەک نییە بۆ پاراستنی و بردنی بەرەو سەقامگیری زیاتر، بۆیە زۆر گرنگە سەرکردەکانمان بە پلان و بەرنامەی ورد دەست بەرن بۆ بابەتە هەستیار و چارەنووس سازەکان، نابادا دوژمنانمان دۆخەکە بقۆزنەوە و ئەم قەوارەیەش کە هەیە لە دەستی بدەین.

سەرەڕای بوونی مەترسییەکان، هاووڵاتی ئەم نیشتمانە کە لە دێرزەمانەوە بێ بەرامبەر قوربانییانداوە، جێگەی داخە ئەمڕۆ زویر و بێزار بن لە حکومڕانی خۆمان.

سەرەڕای زۆریی مەترسییەکان، هاووڵاتی ئەم نیشتمانە کە لە دێرزەمانەوە بێ بەرامبەر قوربانییانداوە، جێگەی داخە ئەمڕۆ زویر و بێزار بن لە حکومڕانی خۆمان

 

 رۆژانە لە لایەن هاووڵاتیانەوە سەدان  گازندە دەبیستین، لە نەبوونی خزمەتگوزاری و نادادی و تەنگ و چەڵەمەی ژیان و گەندەڵی ئیداری و نەدان یان دواکەوتنی مووچە.

بۆیە هەر لە ناڕەزایەتی خەڵکەوە تێدەگەین کە خاک و نیشتمان لە مەترسیدان و باشترین بەڵگەش خۆشحاڵیی خەڵک بوو بۆ بڕیارەکەی دادگای فیدراڵی عیراق کە وتی فرۆشتنی غاز و نەوتی هەرێم نا یاساییە و بڕیاری قەدەغەکردنی دەرکرد.

بۆچی خاک و نیشتمان لە مەترسیدا دەبن ئەگەر خەڵک ناڕازیبێت لە حکومڕانی؟ وەڵامەکەی زۆر سادەیە، چونکە ئاماژەکان دەڵێن ئەگەر خزمەتگوزاری نەبێت و چارەسەرنەبێت، ئەگەر گلەیی و گازندەکان زۆربن و بە فیعلی گوێیان لێنەگیرێت، ئەوا متمانە نامێنێت بە دەستەڵات، ئەگەر متمانە نەما ئینتیما نامێنێت لە لای هاووڵاتی، ئەگەر ئینتیما نەما ئەوا وڵات لاوازدەبێت، ئەگەر وڵات لاوازبوو ئەوا توانای بەرەنگاری نامێنێت و زۆر بەئاسانی دەبین بە نیشانە بۆ تۆپ و درۆن و هێرشی دوژمنانمان.

بۆیە دەتوانین بڵێین خاک و نیشتمان تەواوکەرن لەگەڵ خەڵکدا و ئەگەر خۆمان بە دڵسۆزی خاک و نیشتمان بزانین دەبێت خەڵکەکەشمان خۆشبوێت.

لە تۆڕە کۆمەڵایەتیەکان شەیری بکە

GK Sat Frequencies

NileSat:V:11636 - 27500

سەرەوە