.

11:33 - 05/08/2022

چێڵسی بەرەسمی بۆندی ئەزبیلیكویتای نوێكردەوە
یانەی چێڵسی كۆتایی بەهەوڵی هەموو ئەو یانانە هێنا كە گرنگیان بە سیزار ئەزبیلیكویتای یاریزانی یانەكەی دەدا و بەرەسمی مانەوەی لەریزی یانەكەی راگەیاند   لەمیركاتۆی هاوینە یاریزانی ناوبراو ببوە جێگەی سەرەنجی چەند یانەیەك بەتایبەت یانەی بەرشەلۆنە و تا دوا سات هەوڵی دەستەبەركردنی تواناو لێهاتووی ئەو یاریزانەی دەدا  بەتایبەت كە لەبۆندەكەی لەگەڵ یانەكەی كۆتایی هاتبوو  بەڵام لەدوا ساتدا ئیدارەی یانەی چێڵسی لەگەڵ ئەزبیلیكویتا گەیشتە رێككەوتن و گرێبەستەكەی بۆ ماوەی دوو ساڵی تر و تا 2024 نوێكردەوە  كە لەساڵی 2012ەوە پەیوەندی بەو یانەیەوە كردووەو لەو ماوەیە لە 476 یاریدا بەشداربووە  ئەمەش دوای ئەوە دێت كە بەهۆی ئەو یاریزانەوە كێشە لەنێوان هەردوو یانەی بەرشەلۆنە و چێڵسی دروست بوو