.
11:01 AM - 05/08/2022
پاریس سان جێرمان بەڕەسمی بۆندی لەگەڵ ریناتۆ سانچێز ئیمزاكرد
دوای هەوڵ و گفتوگۆیەكی زۆر سەرئەنجام بەیانەی پاریس سان جێرمانی پاڵەوانی وەرزی رابردووی خولی یانەكانی فەرەنسا لەگەڵ ریناتۆ سانچێزی پورتوگالی و ئەستێرەی یانەی لیل گەیشتە رێككەوتن و بەرەسمی بۆندی لەگەڵ ئیمزا كرد .
دوای ئەوەی رۆژی پێنجشەممە بەسەركەوتوویی پشكنینی پزیشكی ئەنجامدا ئیدارەی پاریس سان جێرمان بەرەسمی بۆ ماوەی پێنج وەرز و تا 2027 گرێبەستی لەگەڵ ئەو یاریزانە ئیمزا بكات و برەكەشی 15 ملیۆن یۆرۆ دەبێت لەگەڵ ئەوەی لەریزی پی ئێس جی ساڵانە وەك موچە بری 5 ملیۆن یۆرۆی پێدەدرێت ئەمەش لەكاتێكدایە یانەی ئەی سی میلانی پاڵەوانی كا ڵچۆ تا دواسات ركابەرییەكی بەهێزی لەگەڵ یانە پاریسییەكە كرد لەسەر گواستنەوەی یاریزانی ناوبراو .
جێگەی باسە لەماوەی سێ ساڵدا لەگەڵ یانەی لیل ریناتۆ سانچێز لە 90 یاریدا بەشدار بووە و توانیویەتی 6 گۆڵ تۆمار بكات و 10 گۆڵیشی بۆ هاورێ یاریزانەكانی دروستكردووە
لە تۆڕە کۆمەڵایەتیەکان شەیری بکە