.
10:22 AM - 16/05/2022
مانچستەر سیتی دوو خاڵی گرنگی لەپریمەرلیگ لەدەستدا
لە لاەیكی ترەوە یانەی مانچستەر سیتی لەهەفتەی پێش كۆتایی خولی نایابی یانەكانی ئینگلتەرا دوو خاڵی گرنگی لەدەستدا و نەیتوانی لەبەدەستهێنانی نازناوی خولەكە نزیك ببێتەوە ئەمەش دوای ئەوەی لەمیانی یارییەكی هەفتەی 37داو لەیاریگای ئۆڵۆمپی لەندەن بووە میوانی یانەی وێستهام یونایتد لەسەرەتای یاری یاریزانانی وێستهام یونایتد بەئاستێكی بەرز دەركەوتن و باڵادەستبوون لەدەقیقەی 24 جارۆد بۆین گۆڵی پێشكەوتنی تۆماركرد هەر ئەو یاریزانە لەدوا ساتی گێمی یەكەم گۆڵی دووەمی خۆی و یانەكەی تۆمار كرد لەگێمی دووەم یانەی مانچستەر سیتی ئاستی یارییەكەی بەسودی خۆی گۆری و باڵادەستبوون لەدەقیقەی 49 جاك گریلیش گۆڵێكی تۆمار كرد و جیاوازیەكەی كەمكردەوە لەدرێژەی ئاستە بەرزەكەیان و بەهۆی ئەو گۆشارەی دروستیان كردبوو ڤلادیمێر كۆڤالی یاریزانی یانەی وێستهام بەهەڵە گۆڵێكی لەخۆیان تۆماركرد و ئەنجامەكەی بە سوودی ستیزنس هاوسەنگ كردەوە لەدەقیقەی 85یش مان سیتی هەلێكی گرنگی سەركەوتن و بەدەستهێنانی سێ خاڵی یارییەكەی لەدەستدا دوای ئەوەی ناوبژیوان پەناڵتییەكی بۆ هەژماركردن و ریاز محرەز-یش نەیتوانی گۆڵی سێیەمی یانەكەی پێتۆمار بكات سەرئەنجام یارییەكە بەیەكسانبوون و بەدوو گۆڵ بۆ هەرلایەك تەواو بوو دوای ئەو یەكسانبوونەش مان سیتی بە 90 خاڵ لەپێشەنگی ریزبەندی مایەوە و تەنیا لەیەك ئەگەر دەبێتە پاڵەوان ئەگەر لیڤەرپوڵ لەم هەفتەیە و لە سێشەممەی داهاتوو بەرامبەر ساوسهامپتۆن یەكسان بێت یان دووچاری شكست ببێت
لە تۆڕە کۆمەڵایەتیەکان شەیری بکە
