.

04:44 - 26/03/2022

پەرلەمانتارێك: 70%ی داهاتی ئیبراهیم خەلیل و حاجی ئۆمەران دیارنییە
پەرلەمانتارێكی كوردستان ئاشكرایدەكات، زیاتر لەسەدا 70ی داهاتی ئیبراهیم خەلیل و حاجی ئۆمەران دیار نییە و دەشڵێت: ئامانجی میدیا و پەرلەمانتارانی پارتی, لەهێرشكردنە سەر پارێزگای سلێمانی ناشرینكردنی ئەو شارەیە.
(زكری زێباری) ئەندامی پەرلەمانی كوردستان لە فراكسیۆنی یەكێتی لەلێدوانێكدا بۆ گەلی كوردستان راگەیاند: ئەو سیاسەتەی پارتی لە حكومەت پەیرەوی دەكات بۆ ناشرینكردنی پارێزگای سلێمانیەو ئامانجی شاردنەوەی ئەو گەندەڵیانەیە كە لەپارێزگای هەولێر و دهۆك هەیە.
راشیگەیاند، زیاتر لە 70%ی داهاتی ئیبراهیم خەلیل و حاجی ئۆمەران لە سنووری پارتی دیار نییە و ئەگەر پەرلەمانتارانی پارتی راست دەكەن, با لیژنەیەكی پەرلەمانی لەسەرجەم فراكسیۆنەكان پێكبهێنن و سەردانی هەموو خاڵە سنوورییەكانی هەرێمی كوردستان بكەن بۆ ئاشكراكردنی راستییەكان، نەك تەنها لە میدیاكان  تۆمەت ببەخشن كە ئامانجیان تەنها ناشرینكردنی پارێزگای سلێمانیە.