کەناڵی ئاسمانی گەلی کوردستان

  Live

هەواڵەکان

بایرن میونشن هەوڵی گواستنەوەی ئەستێرەیەكی كەنەدی دەدات

.

03:12 - 14/01/2022

بایرن میونشن هەوڵی گواستنەوەی ئەستێرەیەكی كەنەدی دەدات
 بەهۆی ئەو ئاستە بەرزەی لەگەڵ یانەكەی پێشكەشی دەكات  جۆناسان دەیڤیدی كەنەدی و گۆڵكار و ئەستێرەی یانەی لیلی فەڕەنسی لەلایەن بەرپرسانی یانەی بایرن میونشنی ئەڵمانییەوە كراوەتە ئامانج .
 بە پێی هەواڵی رۆژنامە ئەڵمانییەكان : بەرپرسانی یانە باڤارییەكە هەوڵەكانیان بۆ كڕینی جۆناسان دەیڤید دەست پێ كردووە و بە نیازیشن لە نزیك ترین كاتدا گفتوگۆكانیان لەگەڵ ئیدارەی لیل دەست پێ بكەن  ئەویش تا بتوانن لە وەرزی داهاتوودا ئەو یاریزانە لاوە ببەنە ریزەكانیانەوە و شان بە شانی لیڤاندۆڤسكی و گنابری و سانیە و كومان لە هێڵی هێرشبردنی یانەكەیان سوود لە تواناكانی وەربگرن .
 رۆژنامە ئەڵمانییەكان باسیان لەوەش كردووە : ماوەی چەند هەفتەیەكە بەرپرسانی یانە باڤارییەكە چاودێری ئەو یاریزانە دەكەن و لەو باوەرەشدان ناوبراو بتوانێت لە ریزی یانەكەیان ئاستێكی زۆر بەرز پێشكەش بكات و لە داهاتووشدا شوێنی رۆبەرت لیڤاندۆڤسكی پۆڵەندی و گۆڵكاری یانەكەیان بگرێتەوە  كە ئەگەری ئەوە لە ئارادایە ئەم وەرزە دوا وەرزی یاری كردنی ئەو یاریزانە بێت لە ریزەكانی بایرن .
 جێی باسە : جۆناسان دەیڤیدی تەمەن 21 ساڵ لە هاوینی 2020ەوە لەگەڵ یانەی لیلی فەڕەنسی یاری دەكات و لەگەڵ ئەو یانەیەشدا توانیویەتی ئاستێكی زۆر بەرز پێشكەش بكات و ببێتە جێگەی سەرنجی یانە بەهێزەكانی ئەوروپا.

لە تۆڕە کۆمەڵایەتیەکان شەیری بکە

GK Sat Frequencies

NileSat:V:11636 - 27500

سەرەوە