.
03:07 PM - 14/01/2022
گۆڵدن ستەیت واریۆرز لەبەرامبەر میلواكی باكس روبەروی شكست بۆوە
لەیاریەكی تری كۆمەڵەی خۆرئاوای ئێن بی ئەی تیپی گۆڵدن ستەیت بۆ دووەم یاری بەدوای یەك روبەروی شكست بۆوە و ئەمجارە بە 99 خاڵ بەرامبەر بە 118 خاڵ بەتیپی میلواكی باكس دۆڕا .
لەنیوەی یەكەمی یاریەكەدا یاریزانانی میلواكی خاوەن یاریگا باشتر یاریان كرد و چارەكی یەكەمیان 37 بە 21 خاڵ و چارەكی دووەمیان 40 بە17 خاڵ بردەوە و بەجیاوازیەكی زۆر پێش كەوتن كە گەیشتە 39 خاڵ هەرچەندە لەنیوەی دووەمی یاریەكە تیپی گۆڵدن ستەیت گەرانەوە كەشی یاریەكە و چارەكی سێیەمیان 34 بە 20 خاڵ و چارەكی چوارەمیان 27 بە 21 خاڵ بردەوە بەڵام ئەوە رێگری لەبردنەوەی تیپی میلواكی باكس نەگرت كە یاریەكەی بەجیاوازی 19 خاڵ و بەئەنجامی 118 خاڵ بەرامبەر بە 99 خاڵ بەسودی خۆی كۆتایی پێ هێنا جێی باسە جیانیس ئەنتیتۆ كۆنمۆ رۆڵێكی باشی هەبوو لەسەركەوتنی میلواكی كە توانی بەتەنها 30 خاڵ تۆمار بكات لەناویان 3 سێ خاڵی تۆمار كرد
لە تۆڕە کۆمەڵایەتیەکان شەیری بکە