.
03:19 PM - 03/12/2021
خانەوادە و هەڤاڵانی تێكۆشەری دێرین عەبدوڵا خورشید
بۆ كۆچی دوایی هەڤاڵ عەبدوڵا خورشید لە ناخی دڵمانەوە هاوخەمتانین و پرسە و ماتەمینی خۆمانتان پێ ڕادەگەیەنین، كۆچی دوایی هەڤاڵ عەبدوڵا پەژارەیەك بوو لە هەموان كەوت، چونكە ئەو جوامێرێك بوو كە لە هەڕەتی لاوێتیەوە لە ناوچەی باڵەكایەتی لە ناو جوڵانەوەی سیاسی و كوردایەتیدا ڕۆڵی بەرچاوی هەبووە و دواتریش لە ڕاگواستنی گوندەكانی ئەو ناوچەیە بۆ سنوری بادینان هەڤاڵ عەبدوڵا لەگەڵ دانیشتوانی ناوچەكانی بەهدینانیش پەیوەندیەكی تۆكمەی گرێدا و توانی ئەركەكانی ڕێكخستن بە باشی بەڕێوەببات و لە گەیاندنی پەیامی یەكێتیدا زۆر بوێرانە ئەركەكانی جێبەجێكردووە، تا لە دوا پلەیدا كە ئەندامی مەكتەبی ڕێكخستن بووە هەڤاڵ عەبدوڵاخورشید لە خەباتدا تێكۆشەرێكی لەخۆبوردوو بووە.
جارێكی تر وێڕای دانەواندنی سەری ڕێز و وەفا لە ئاست ڕۆڵی ئەم كەڵە پیاوە تێكۆشەرەدا، لە یەزدانی مەزن داواكارین ڕۆحی بە بەهەشت بە شاد بكات.
مەكتەبی سیاسی (ی.ن.ك)
لە تۆڕە کۆمەڵایەتیەکان شەیری بکە
