کەناڵی ئاسمانی گەلی کوردستان

  Live

هەواڵەکان

ته‌رمی مامۆستا موحسن له‌ سلێمانی به‌خاكسپێردرا

.

11:17 AM - 02/12/2021

به‌یانی ئه‌مڕۆ پێنج شه‌ممه‌ 2-12-2021 ته‌رمی مامۆستا موحسن عه‌لی ئه‌كبه‌ر به‌ئاماده‌بوونی ژماره‌یه‌كی زۆر له‌هه‌ڤاڵان و هاوڕێ و دۆستانی له‌سلێمانی به‌خاكسپێدرا.

 له‌گردی سه‌لیم به‌گ له‌سلێمانی ته‌رمی تێكۆشه‌رو پێشمه‌رگه‌ و راگه‌یاندكاری دێرینی یه‌كێتی و شۆڕشی نوێی گه‌له‌كه‌مان مامۆستا موحسن عه‌لی ئه‌كبه‌ر به‌خاكسپێدرا.

له‌مه‌راسیمه‌كه‌دا ژماره‌یه‌كی زۆر له‌ئه‌ندامانی سه‌ركردایه‌تی یه‌كێتیی نیشتمانیی كوردستان و هه‌ڤاڵان و هاوڕێ و دۆست و خزمانی ئاماده‌یی بوون.

له‌مه‌راسمی به‌خاكسپاردنه‌كه‌شدا مسته‌فا چاوڕه‌ش ئه‌ندامی سه‌ركردایه‌تی یه‌كێتیی نیشتمانیی كوردستان له‌سه‌ر مه‌زاری كۆچكردو وتی: به‌ڵێن ده‌ده‌ین له‌سه‌ر رێبازه‌ پیرۆزه‌كه‌ی به‌رده‌وام ده‌بین و هه‌وڵ ده‌ده‌ین یه‌كێتی ناو یه‌كێتی بپارێزین.

 

وتیشی: مامۆستا موحسن پیاوێكی دڵپاك و تێكۆشه‌ر و مامۆستای ته‌بایی بوو، بۆیه‌ بۆ ئه‌و كۆسپه‌ هه‌موومان خه‌مبارین.

هه‌روه‌ها مه‌حمود سه‌نگاوی ئه‌ندامی مه‌كته‌بی سیاسی یه‌كێتی له‌مه‌راسیمه‌كه‌دا وتی: تێكۆشه‌رێكی دیرێن و دڵ و ده‌روون پاكمان له‌ده‌ستداو جێی پڕنابێته‌وه‌و خه‌باتی جێی رێزه‌و رۆیشتنی هه‌ر هاوڕێیه‌كمان كه‌لێنێكی گه‌وره‌ له‌ناو یه‌كێتی دروستده‌كات به‌تایبه‌ت له‌گه‌رمیان و گه‌رمه‌سێر.

لە تۆڕە کۆمەڵایەتیەکان شەیری بکە

سەرەوە