.
01:07 PM - 24/10/2021
مەفرەزە بەردەوامەکانی پۆلیسی دارستان ی سلێمانی لە سنوری چالاکی بەش و بنکەکانیدا بەردەوامە لە دەست بەسەرداگرتنی ئەو ئامێرانەی بەنایاسایی بیر هەڵدەکەنن و ڕوبەڕوی یاسا یان دەکەنەوە و لەو چوارچێوەیەشدا (٣) هاووڵاتی بەمەبەستی بیرلێدان و زیادەڕەیی دەستگیرکران .
لەو بارەیەوە عمید ی پۆلیس هێمن كمرخان: بەڕێوەبەری راگەیاندن لەبەڕێوەبەرایەتی پۆلیسی دارستان وژینگەی سلێمانی ڕایگەیاند: پارێزگاریکردن لەسروشت و ژینگەیی کوردستان ئەرکی سەرەکی و لە پێشینەی کارەکانمانە و لەو پێناوەشدا هەموو تواناو هەوڵەکانی خۆمان دەخەینەکار و هەر هاووڵاتیەک سەرپێچی لە ڕێنماییەکانمان بکات دەستگیردەکرێت و ڕووبەڕوی دادگا دەکرێتەوە و هەر لە چوار چێوەیەشدا لە ئەنجامی گەڕان و پشکنینی سنوری چالاکیان مەفرەزەیەکی بەشی پۆلیسی دارستانی پێنجوێن بە مەبەستی پاراستنی سامانی ئاوی ژێر زەوی و ڕێگەگرتن لە دیاردەی بیرلێدان، توانیان هاووڵاتیەک دەستگیر بکەن کە بە شێوەیەکی نایاسایی سەرقاڵی هەڵکەندنی بیر بوون، هەروەها توانرا دەستبگرن بەسەر جیهازێكی بیرلێدان.
لە هەمان کاتدا مەفرەزەکانی بەشی پۆلیسی دارستان و ژینگەی شارەزوور لە دەرچونێکی مەیدانیانداتوانیان هاووڵاتیەک دەستگیربکەن کە سەرقاڵی هەڵکەندنی بیر بوون، هەروەها توانرا دەستبگرن بەسەر جیهازێكی بیرلێدانداندا دواتر پەڕاوی لێکۆڵینەوەیان بۆ کرایەوە و ڕوبەڕوی دادگا کراونەتەوە بۆ وەرگرتنی ڕێکاری یاسایی .
هاوکات مەفرەزەکانی بەشی پۆلیسی دارستان و ژینگەی سەید سادق توانیان سەرپێچیکارێک دەستگیربکەن بە هۆکاری زیادەڕەویی تەخت کردنی زەوی زیان گەیاندن بە دارستانە سروشتیەکان.
عمید هێمن : جارێكی تر پەیامی ئاراستەی سەرجەم هاووڵاتیان كردەوە كەپابەندبن بەڕێنماییەكانی پۆلیسی دارستان وژینگەی سلێمانی ،وە پارێزگاری لەسامانی سروشتی وژینگەی كوردستان بكەن .
ڕاگەیاندنی
بەڕێوبەرایەتی پۆلیسی دارستان وژینگەی پارێزگای سلێمانی
٢٤/١٠/٢٠٢١
لە تۆڕە کۆمەڵایەتیەکان شەیری بکە
