.
09:40 PM - 18/10/2021
پلانداڕێژەری تەقینەوە خوێناوییەكەی ساڵی 2016 ی كەرادە لە بەغدا كە ئێوارەی ئەمڕۆ دەستگیركردنی ڕاگەیەندرا بەرپرسە لە شەهیدكردنی سەدان هاوڵاتی عێراق.
بەپێی ئاژانسی هەواڵی ئەسۆشێتید پرێسی ئەمریكی؛ لەزاری بەرپرسانی هەواڵگری عێراقەوە بڵاویانكردوەتەوە: زوبەیعی بەرپرسی یەكەمی تەقینەوەكەی كەرادەیە كە بووە هۆی كوژرانی نزیكەی 300 كەس و برینداربوونی 250 كەسی دیكە.
لەبارەی ئۆپەراسیۆنی دەستگیركردنەكەیەوە، ئاژانسە ئەمریكییەكە ئەوەی گواستوەتەوە، زوبەیعی هاوڵاتییەكی عێراقییە و لە ئۆپراسیۆنێكی ئاڵۆزدا بەهاوكاری لەگەڵ وڵاتێكی دراوسێ كە ناوی نەهێنراوە دەستگیركراوە، ئەوەش دوای چەند مانگێك لە چاودێرییكردنی بەشێوەیەكی وورد و دوو رۆژ لەمەوبەر گواستراوەتەوە عێراق.
زوبەیعی 29 ساڵ سەر بە رێكخراوی قاعیدە بووە و لە زیندانی كروبەر لای ئەمریكییەكان زیندانی بووە تا ساڵی 2008، پاشان لە زیندانی ئەبوغرێب لەساڵی 2013 هەڵهاتووە و پەیوەندیكردووە بە داعشەوە.
بەشێك لە كردەوە تیرۆرستییەكانی بە وتەی شارەزای هەواڵگری و ئاسایش (فاضل ابو رغیف) :
- تەقینەوەكەی كەرادە
- تەقینەوەكەی بازاری عەرەبیی
- تەقاندنەوەی باڵەخانەی پارێزگای بەغداد
- بەرپرسی تیرۆركردنەكانی كەرخ بووە
- بەرپرسی سوپای عەسر بووە
- بەرپرسی كەتیبەی بیلاوی
- بەرپرسی تەقینەوەكان بووە
- بەرپرسی گروپە تیرۆرستییەكانی ناوچەی موتبیجە بووە
- بەرپرسی گروپە تیرۆرستییەكانی دیالە بووە
- بەرپرسی گواستنەوەی خۆكوژەكان بووە
- بەرپرسی لەسێدارەدانی هاوڵاتیانی بێتاوان بووە
- چەندین بۆمب و تەقینەوەی لە ساڵەكانی ٢٠١٦ و ٢٠١٧ گواستوەتەوە.
- بەرپرسی گواستنەوەی ئۆتۆمبێلە بۆمبڕێژكراوەكان بووە
سەرچاوە: پەڕەی رەسمی دژەتیرۆر لە تۆڕی كۆمەڵایەتی فەیس بووك
CTG Kurdistan
لە تۆڕە کۆمەڵایەتیەکان شەیری بکە