کەناڵی ئاسمانی گەلی کوردستان

  Live

هەواڵەکان

خاتوو شاناز لەگەڵ سەرپەرشتیارانی بازنەكانی هەڵبژاردن و ژووری عەمەلیات و کاندیدەکان و لێپرسراوی کۆمیتەکان كۆبووەوە

.

09:36 - 25/09/2021

ئەمڕۆ 25ی ئەیلول، لەبارەگای مەڵبەندی ١ی رێكخستنی سلێمانی(ی.ن.ك)، خاتوو شاناز ئیبراهیم ئەحمەد كارگێڕی مەكتەبی سیاسی یەكێتی و بەرپرسی میحوەری سلێمانی بۆ بانگەشەی هەڵبژاردن، لەگەڵ سەرپەرشتیارانی بازنەكانی هەڵبژاردن و ژووری عەمەلیاتی میحوەر بەئامادەبوونی کاندیدەکانی هەردوو بازنەی(یەک و دوو)ی سلێمانی و لێپرسراوانی کۆمیتەکانی یەکێتی لەسنوری میحوەرەكەدا كۆبووەوە.

لەكۆبوونەوەكەدا، كە ژمارەیەك لە ئەندامانی ئەنجومەنی سەركردایەتی یەکێتی لەسنوری سلێمانی ئامادەی بوون، تاوتوێی ئەو پلان و کارانە كرا کە لەماوەی بانگەشە لە هەردوو بازنەکەدا لەلایەن ئەندامانی سەرکردایەتی و کۆمیتەکان جێبەجێکراوە بۆ سەرخستنی کاندیدەکانی هاوپەیمانی کوردستان.

لە بەشێکی دیکەی کۆبونەوەکەدا، جەخت لە گرنگی روونکردنەوەی بەرنامە و پەیامی هاوپەیمانی كوردستان بۆ کۆمەڵانی خەڵک کرایەوە و هاوکات پێشنیازی نوێ لەوڕووەوە خرایەڕوو بۆئەوەی هەڵمەتی بانگەشەی هاوپەیمانی سەرکەوتووتربێت و باشتر هانی خەڵک بدرێت بۆ بەشداریكردن لەپرۆسەی هەڵبژاردن.

هەر لەمیانەی دیدارەکەدا، بەرپرسی میحوەری سلێمانی بۆ بانگەشەی هەڵبژاردن، لەچۆنیەتی بەڕێوەچوون و جێبەجێكردنی كارەكانی ئەندامانی سەرکردایەتی و کاندیدەکان و لێپرسراوی کۆمیتەکانی پرسییەوە، لەبەرامبەردا هەریەك لەهەڤاڵان لەگەڵ خستنەڕووی پوختەیەک لە کاروچالاکی و کێشەکانیان و پێشنیاز و راوبۆچوونیان بۆ باشتر ڕاپەڕاندنی هەنگاوەكانی داهاتوو باس كرد، تاوەكو پڕۆسەی هەڵبژاردنەكە لەسنووری بازنەكانی یەك و دووی سلێمانی بە سەركەوتوویی بەڕێوەبچێت.

لە بەشێكی دیكەی كۆبوونەوەكەدا، گرنگی هاوپەیمانێتی کوردستان روونكرایەوەو  جەخت لەوەكرایەوە لەئەنجامی ئەم هاوپەیمانێتییەدا یەكڕیزی نێو ماڵی كورد مسۆگەر دەكرێت.

لە تۆڕە کۆمەڵایەتیەکان شەیری بکە

GK Sat Frequencies

NileSat:V:11636 - 27500

سەرەوە