.
12:04 PM - 25/09/2021
یانەی بەرشەلۆنەی ئیسپانی هەوڵەكانی بۆ گواستنەوەی رەحیم ستێرلیگی ئەستێرەی یانەی مانچستەرسیتی دەست پێكردووە و بە نیازیشن لە ماوەی داهاتوودا گفتوگۆكانیان لەگەڵ ئیدارەی ئەو یانە ئینگلیزیە ئەنجام بدەن رۆژنامەكانی ئینگلتەرا ئاشكرایان كردووە : بەرپرسانی بەرشەلۆنە لەسەر داوای رۆناڵد كیومانی راهێنەر گرنگیەگی زۆر بە تواناكانی رەحیم ستێرلیگ دەدەن و لەو باوەرەشدان ئەو یاریزانە بتوانێت لە ریزەكانیان ئاستێكی زۆر بەرز پێشكەش بكات و لە ماوەی داهاتووشدا هاوكاری یانەكەیان بكات بۆ دەستەبەركردنی نازناوەكان هەر بەو هۆیەشەوە بە نیازن لە ماوەی داهاتوودا گرێبەستێكی لەگەڵدا ئیمزا بكەن و بیكە یەكێك لە ئەستێرەكانی یانەكەیان رۆژنامەی میرۆریش لای خۆیەوە بڵاویكردۆتەوە : بەرپرسانی یانەی بەرشەلۆنە لای خۆیانەوە بڕی زیاتر لە 75 ملیۆن یۆریان ئامادە كردووە تا لە پێناو گواستنەوەی ئەو یاریزانە پێشكەشی مان سیتی بكەن و لە میركاتۆی هاوینەی داهاتوودا ناوبراو ببنە یانەكەیانەوە جێ ی باسە : ئەمە جاری یەكەم نییە بەرپرسانی ئەو یانە كەتەلۆنیە هەوڵی كڕینی رەحیم ستێرلیگی تەمەن 26 ساڵ دەدەن و لە رابردووشدا چەند جارێك هاتونەتە سەر هێڵ تا تواناكانی دەستە بەر بكەن بەڵام بەهۆی زۆری نرخەكەیەوە لە گواستنەوەیدا سەركەوتوو نەبوون .
لە تۆڕە کۆمەڵایەتیەکان شەیری بکە