.
06:01 PM - 22/06/2021
د پەیامەکا پیرۆزباهیێدا کو بهەلکەفتا بسەرکەفتنا کۆنگرێ کۆمەڵا پێشمەرگەهێن دێرین ئاراستەی جەمیل هەورامی کر،
ئاراس محەمەد ئاغا ئەندامێ جڤاتا سەرکردایەتییا ئێکەتی نیشتیمانی کوردستان، ڕاگەهاند، کۆمەڵا پێشمەرگەهێن دێرین ب مۆزائیکا خۆیا جوان، ڕەنگڤەدانا شۆرەش و خەباتا گەلێ کوردستانێیە.
دەقێ پەیاما بەرپرسێ مەڵبەندێ چوارێ (ی.ن.ک)
برایێ بەرێز/کاک جەمیل هەورامی، سەرۆکێ کۆمەڵا پێشمەرگەهێن دێرین
هەڤال و ئەندامێن جڤاتا بلندا کۆمەڵا پێشمەرگەهێن دێرین..
بناڤێ خۆ و مەڵبەندێ چوارێ دهوک یێ ئێکەتی نیشتیمانی کوردستان، بسەرکەفتنا کۆنگرێ گۆمەڵا لهەوە پیرۆز دکەم، هیڤیخوازین بهەمان دلسوزییا خۆ یا جاران بەردەوامیێ بدەنە کار و ئەرکێن خۆ دخزمەتکرنا پێشمەرگەهێن دێریندا، کو دسەردەمێ تێکۆشانا چەک و چیاییدا، مەشخەڵا شۆڕەشا گەلێ کوردستانێ بوون.
بهەبوونا هژمارەکا زۆر ژ پێشمەرگەهێن سەر ب لایەنێن جودا جوداڤە، کۆمەڵا پێشمەرگەهێن دێرین سەلماند کو چەپکە گولا شۆڕەش و خەباتێیە، ئەم دوێ باوەرێدایینە ئەرکێ پێشمەرگەهێن دێرین هیچ جارەکێ بدووماهی ناهێت، بەلکو بەردەوام و دهەموو قۆناغەکێدا ڕۆڵ و کاریگەریا خۆ لسەر گوهرین و پێشهاتان هەیە.
ئومێدەوارین بسەرکەفتنا کۆنگرێ هەوە ببیتە مایێ پێکڤەکارکرن و درێژی پێدانا خەباتێ.
دووبارە پیرۆزباهیێن مە قەبوول بکەن
ئاراس محەمەد ئاغا
ئەندامێ جڤاتا سەرکردایەتییا ئێکەتی نیشتیمانی کوردستان
بەرپرسێ مەڵبەندێ چوارێ دهوک
لە تۆڕە کۆمەڵایەتیەکان شەیری بکە
