کەناڵی ئاسمانی گەلی کوردستان

  Live

هەواڵەکان

ئاراس محمد ئاغا: مام حسێن سه‌روكانى هه‌مى ته‌مه‌نێ خو گورى خه‌باتا ملله‌تێ كورد كربوو

.

08:16 - 09/06/2021

ئاراس محمد ئاغا: مام حسێن سه‌روكانى هه‌مى ته‌مه‌نێ خو گورى خه‌باتا ملله‌تێ كورد كربوو

ئه‌ڤرو ئاراس محمد ئاغا به‌رپرسێ مه‌لبه‌ندێ چوارێ دهوك ب به‌رهه‌ڤبوونا ژمارەک ئه‌ندامێن سه‌ركردایه‌تى و به‌رپرسێ بوردێ كومه‌لایه‌تى و وه‌زیر و په‌رله‌مانتارێن كوردستانێ و عیراقێ، چه‌ندین كه‌سایه‌تى و كادرێن ئێكه‌تى نیشتمانى كوردستان، پشكدارى د رێ و ره‌سمێن چلروژیا وه‌غه‌ركرنا پێشمه‌رگه‌هێ دێرین و تێكوشه‌ر و كه‌سایه‌تیێ دیارێ ده‌ڤه‌رێ و به‌رپرسێ ناڤه‌ندا كومه‌لایه‌تیا دهوك مام حسێن سه‌عدو هیرۆ یێ به‌رنیاس ب ( حسێن سه‌روكانى ) دا كر .
هه‌ڤده‌م دچارچووڤێ ڤێ رێ و ره‌سمێ دا ئاراس محمد ئاغا گوتاره‌ك پێشكێش كر و ئاماژه‌ ب رولێ گرنگێ مام حسێن سه‌روكانى كر دناڤا رێزێن ئێكه‌تى نیشتمانى كوردستان و راگه‌هاند : مام حسێن سه‌روكانى هه‌مى ته‌مه‌نێ خو گورى خه‌باتا ملله‌تێ كورد كربوو، روله‌كێ به‌رچاڤ هه‌بوویه‌ دناڤا رێزێن ئێكه‌تى نیشتمانى كوردستان دا چ وه‌كو به‌رپرسێ ناڤه‌ندا كومه‌لایه‌تى یان وه‌كو پێشمه‌رگه‌، ره‌حمه‌تى ژ بنه‌ماله‌كا تێكوشه‌ر و كورد په‌روه‌ربوو .
هه‌ر دگوتارا خو دا به‌رپرسێ مه‌لبه‌ندێ چوارێ دهوك روناهى ئێخسته‌ سه‌ر ره‌وشا نوكه‌ یا هه‌رێما كوردستانێ تێدا ده‌رباز دبیت و راگه‌هاند : ئێكه‌تى نیشتمانى كوردستان چ جاره‌كێ نابیته‌ لایه‌نگه‌رێ شه‌رێ براكوژیێ، له‌ورا ئه‌م داخازێ ژ لایه‌نێن سیاسى دكه‌ین ئێك رێزیا ناڤا مالا كوردان بپارێزن و ئێك ده‌نگ و ئێك هه‌لویست بن، چونكه‌ دنوكه‌ دا هه‌رێما كوردستانێ دره‌وشه‌كا هه‌ستیار دا ده‌رباز دبیت، هه‌روه‌سا داخاز ژ هه‌مى كادر و لایه‌نگه‌رێن ئێكه‌تى كر كو ببنه‌ لایه‌نێن ئێك رێزیا ملله‌تێ كورد و په‌یاما وان بلا په‌یاما ئاشتیێ بیتن.
هه‌ر دڤێ رێ و ره‌سمێ دا چه‌ندین گوتار هاتنه‌ خواندن ژلایێ به‌رهه‌ڤبوویان .

نڤیسینگه‌ها راگه‌هاندنا به‌رپرسێ مه‌لبه‌ندێ دهوك

 

لە تۆڕە کۆمەڵایەتیەکان شەیری بکە

GK Sat Frequencies

NileSat:V:11636 - 27500

سەرەوە