ساڵیادی نوێبونەوە

10:12 PM - 30/05/2021

ساڵیادی نوێبونەوە لە چل و شەشەمین ساڵیادی دامەزراندنی یەکێتیی نیشتمانیی کوردستان

چێنەر شەرعی

سەرەتا پیرۆزباییەکی گەرمی ھەڤاڵانە لە تەواوی خانەوادەی سەربەرزی شەھیدان و کیمیاباران و ئەنفال و پێشمەرگە و تێکۆشەرە دێرین و ڕێکخستنەکان و کەمئەندامانی سەنگەر و تەواوی چین و توێژەکان لە دۆست و لایەنگرانی حزبی شەھیدان لە ناوەوە و دەرەوەی ووڵات لە ھەرچوار پارچەی کوردستان ئەکەم سەری ڕێز و نەوازشم بۆ ڕابەری بزووتنەوەی ڕزگاری خوازی کورد ھەڤاڵی کۆچکردوومان سەرۆك مام جەلال نەوی ئەکەم و بەڵێن دووپات ئەکەمەوە کە درێژە پێدەری ڕێبازی پیرۆزیان ئەبم و پارێزەرێکی بە ئەمەك ئەبم لە ئاست ئەو ئامانەتیە گەورەیەی پێی بەخشیووم و لە ئەستۆماندایە. ئەم ساڵیادە جیاوازتر لە ساڵیادەکانی تر دروشمی نوێبونەوە تێیدا بەرجەستەیە،بەمانایی نوێبونەوە لە ھەموو ئۆرگان و سیاسەت و ستراتیژی حزبەکەمان. قۆناغی نوێبونەوە بە مانایی نوێبونەوە و زیندووبوونەوەی یەکێتیی لە تەواوی کایەکانی حوکمڕانیدا و کار بۆمووچە و بژێوی و خۆشگوزەرانی و خزمەتکردنەوە و ئاوەدانی ووڵات قۆناغی نوێبونەوە قۆناغێکی گرنگ و کاریگەر بوو بۆ یەکێتیی نیشتمانی کوردستان و بۆ تەواوی پڕۆسەی سیاسی لە ناوچەکە و لە ئاستی دەرەوە و گۆڕانکاری ڕیشەیی بەڕێوەیە.

دیارە یەکێتیی نیشتمانی کوردستان دوایی کۆنگرەیی چوارەم سەلماندی ھیچ شتێك مەحاڵ نیە و بڕواشمان بە دەستاودەستکردنی دەسەڵاتە لە ھەڤاڵانی سەرکردایەتی پێشتر بۆ کۆمەڵێك ھەڤاڵی تر کە ئێستا ھێزێك یەکێتیی بەڕێوە ئەبات گەنجن و گڕو تین و تاوێکی پڕ حەماسێتیان تێدایە و گیانبازی ئەکەن بۆ ئەم قۆناغە ھەڵبەت من لێرەوە پیرۆزبایی لەو ھەڤاڵە تێکۆشەرانە ئەکەم کە لە ڕابردوودا خەباتیان کردووە دەستیان تووند ئەگوشین و سوپاسیان ئەکەین،چونکە ڕێزگرتن لە ڕابردوو ڕێزگرتنە لە مێژووی خەباتی سیاسی حزبەکەمان و ڕێزگرتن لە ئەمڕۆ و بناغەیەکیشە بۆ پەروەردەکردنی ئەو ھەڤاڵانەی دوایی ئێمە دێن و ڕێز لە ئێمەش ئەگرن،ئاشتکردنەوەی ھەڤاڵە زویربووەکانمانە ئەم یادە پڕ شکۆیە و ھیچ کەس لەبیر ناکرێت و لەیاد ناچێت و کەسمان لێ زیاد نیە یەکێتیی نیشتمانی کوردستان ھەڵقووڵاوی جەماوەرەکەیەتی و لەناو خەڵکی دروست بووە و ئیتر لەناو خەڵکیش ئەبێت.

لێرەوە ئەم یادە لە تەواوی خەڵکی کوردستان پیرۆز ئەکەین و ئەیکەینە ھەوێنی دیموکراسی و ئاشتەوایی نیشتمانی و خەبات لەپێناو کۆمەڵانی خەڵکی کوردستان ئەکەین. یەکێتیی نیشتمانی کوردستان خاوەن پێگە وجەماوەرێکی ورە پۆڵاینی خۆرسکی خۆیەتی و ئیدی نوێبونەوە ئەرکی ئێمەیە کە حزبی یەکەم و سەروەر بین و خزمەتی خاك و میللەتی خۆمان بکەین. لە قۆناغی نوێبونەوە دەرگامان نەماوە و کورسی و مێز نەماوە قۆناغی کار و چالاکیە و خەباتە بەشێوەیەکی دیموکراسی و مەیدانی و مەدەنیانە،جارێکی تر شەڕی نەگریسی براکوژی ڕووناداتەوە.

چەترەکەی مام جەلال زۆر گەورەیەی ھەمووان وەرنەوە ژێر چەترەکەی مام پێکەوە ئەم قۆناغە بەڕێ ئەکەین وەك زنجیرێکی ئەڵقاو ئەڵق پێکەوە بەستراو جوانین و تەواوکەری یەکدی ئەبین. قۆناغی زیندووبوونەوە و نوێبونەوەی ھەموو ئەو ڕێکەوتننامانەی لەگەڵ دەستە حزبەکان ھەمانە و پێکەوە لە پێناو بەرژەوەندی گشتی تێبکۆشین قۆناغی نوێبونەوە پیرۆزبێت لە سەرجەم ھەڤاڵانم لە ئۆرگانە جیاوازەکان دووپاتی ئەکەمەوە ئێوە چەپکە گوڵەکەبن و ئێمەش ئەو دەستە ئەبین کە ئەتانپارێزین ھەر شەکاوە بێت ئاڵایی پیرۆزی یەکێتیی نیشتمانی کوردستان چێنەر شەرعی ٣٠-٥-٢٠٢١ سلێمانی