.
11:00 AM - 08/05/2021
بەدر زیادی ئەندامی لیژنەی ئاسایش و بەرگری پەرلەمانی عیراق ئاشكرایكرد،لە پەرلەماندا هەوڵێك هەیە بۆ دەركردنی بڕیارێك بۆ كردنە دەرەوەی هێزەكانی توركیا لە خاكی عیراق و بەغداش بەنیازە هێزی فیدراڵی لەسەر پشتێنەی سنووری نێوان هەردوو وڵات بڵاوبكاتەوە .
بەوتەی زیادی ئیدانەكردنی توركیا لەلایەن حكومەت و بانگهێشتكردنی باڵیۆزی ئەو وڵاتە لەبەغدا بەس نییە و تەئكیدی لەوەشكردەوە، بڕیارەكەی پەرلەمانی عیراق بۆ كردنە دەرەوەی هێزەكانی توركیا دەبێت لە موسڵ و زاخۆو هەولێر وهەروەها رێگرتن لەدروستكردنی هەربنكەیەكی سەربازیی توركیا لەسەر خاكی عیراق . وتیشی پێشكەش كردنی سكاڵا بەئەنجوومەنی ئاسایشی نێو دەوڵەتی و كۆمكاری عەرەبی دژ بە لەشكركێشی توركیا مافێكی دەستووری حكومەتی عیراقە. وەك ئەندامەكەی لیژنەی ئاسایش و بەرگری پەرلەمانی عیراق ئاماژەی پێكردووە، هەولێر و بەغدا گفتوگۆ دەكەن پەیوەستە بەناردنی هێزی فیدراڵی بۆ كۆنترۆڵكردنی سنوورەكانی نێوان عیراق و توركیا.
لە تۆڕە کۆمەڵایەتیەکان شەیری بکە