.
11:13 AM - 20/04/2021
یانەی ئارسناڵی ئینگلیزی چووە پاڵ ئەو یانانەی كە ئارەزووی بەدەستهێنانی تواناكانی ئەستێرەیەكی ریاڵ مەدرید دەكەن لەمیركاتۆی هاوینی داهاتوو رۆژنامەی سەنی بەریتانی بڵاویكردەوە: یانەی ئارسناڵ چووە ناو ركابەریەكی بەهێزەوە لەگەڵ یانەكانی یۆڤانتۆس و میلان لەپێناو ئەوەی هاوینی داهاتوو گرێبەست لەگەڵ ئیسكۆ ئەلاركۆنی ئەستێرەی ریاڵ مەدرید ئیمزا بكات گرێبەستی ئیسكۆ لەگەڵ یانەی شاهانە كۆتایی وەرزی داهاتوو تەواو دەبێت و تا ئەم كاتەش هیچ گفتوگۆیەك ئەنجام نەدراوە بۆ نوێكردنەوەی گرێبەستەكەی ئەوەش ئاماژەیە بۆ ئەوەی میرینگی بیر لەفرۆشتنی بكاتەوە لەمیركاتۆی هاوین راپۆرتە رۆژنامەوانیەكان ئەوەیان رونكردۆتەوە : یانەی ریاڵ مەدرید لەبەرامبەر 20 ملیۆن یۆرۆ بەفرۆشتنی ئیسكۆ رازی دەبێت جێی باسە ئیسكۆ لەماوەی دوو وەرزی رابردوو بەرێژەیەكی زۆر ئاستی یاریكردنی دابەزیوە و بەهۆیەوە بەشێوەیەكی سەرەكی لەیاریەكانی ریاڵ مەدرید بەشداری ناكات دوای ئەوەی یەكێك بووز لەپایە سەرەكیەكانی پێكهاتەكەی زێنەدین زێدانی راهێنەری فەرەنسی
لە تۆڕە کۆمەڵایەتیەکان شەیری بکە