.
06:33 PM - 18/04/2021
بەهۆی ووشكەساڵییەوە جوتیاران داوای قەرەبوكردنەوە دەكەن
بەهۆی كەمی بارانبارینی ئەمساڵ و زیانەكانی ووشكەساڵییەوە یەكێتی جوتیارانی كوردستان داوا لەحكومەتی هەرێم دەكات لە هەندێك ناوچەدا قەرەبووی جوتیاران بكاتەوە.
(حسێن محەمەد) سەرۆكی لقی هەولێری یەكێتی جوتیارانی كوردستان رایگەیاند: بەهۆی كەمی بارانبارینەوە ئەمساڵ زۆربەی جوتیارانی سنوری هەولێر زەرمەند دەبن و ناتوانن ئەو بەرهەمانەی چێندراوە بەدەستی بهێنەوە.
وتیشی: ئەمساڵ بەرێژەی سەدا 50 بەرهەمی گەنم و جۆی جوتیاران بەراورد بەساڵانی رابردوو كەمیكردوە ، بەتایبەتی ئەو زەوییانەی دێمین و پشتیان بەبارانبارین بەستووە.
داواشیكرد بۆ كەمكردنەوەی قەبارەی زیانەكان حكومەتی هەرێمو لایەنە پەیوەندارەكان قەرەبووی جوتیاران بكەنەوەو ئەگەر نەشتوانرێت لەرووی ماددیەوە قەرەبوەكە بكرێت ئەوا بە دابینكردنی بنەتۆ و كودی كیمیایی و سوتەمەنی هاوكاری جوتیاران بكرێت.
لە تۆڕە کۆمەڵایەتیەکان شەیری بکە