.
02:28 PM - 22/02/2021
وێستهام تۆتنهامی دووچاری دووەم شكستی لەسەریەك كرد
یانەی تۆتنهام هۆتسپێر لەسەر پیشاندانی ئاستە خراپەكەی بەردەوامە و دووچاری دووەم شكستی لەسەریەك هات لەخولی نایابی یانەكانی ئینگلتەرا لەمیانی یارییەكی هەفتەی 25دا یانەی وێستهام یونایتد لەیاریگای ئۆڵۆمپی لەندەن رووبەڕووی یانەی تۆتنهام بووەوە لەگێمی یەكەم یاریزانانی وێستهام بەئاستێكی بەرز دەركەوتن و توانیان ئەو گێمە بەگۆڵێكی بێ بەرامبەر بەسودی خۆیان تەواو بكەن گۆڵەكەش میشێل ئەنتۆنیۆ لەدەقیقەی 5 تۆماری كرد لەگێمی دووەم یارییەكە ئاستێكی بەرزتری بەخۆیەوە بینی و ركابەری یاریزانانی هەردوو یانە زیاتر بوو سەرەتا یانەی وێستهام درێژەی بەئاستە بەرزەكەیدا و لەدەقیقەی 46 و لەرێگەی جیسی لینگارد بوونە خاوەن گۆڵی دووەم لەبەرامبەردا یاریزانانی سپێرز هەوڵی گۆرینی ئاست و ئەنجامەكەی دەدا هەرچەندە لەدەقیقەی 64 لۆكاس مۆرا گۆڵێكی تۆماركرد و جیاوازیەكەی كەمكردەوە بەڵام هیچ سودێكی پێ نەگەیاندن و لەكۆتایدا یارییەكەیان بەئەنجامی گۆڵێك بەرامبەر دوو گۆڵ بەیانەی وێستهام یونایتد دۆڕاند دوای ئەو بردنەوەیەش بووە خاوەن 45 خاڵ و لەپلەی چوارەمی ریزبەندی جێگیربووە لەبەرامبەردا یانەی تۆتنهام دووچاری هەشتەم شكست بووەوە
لە تۆڕە کۆمەڵایەتیەکان شەیری بکە