.
12:42 PM - 22/02/2021
ئەو كەسانەی چاویلەكە لەچاو دەكەن كەمتر تووشی كۆرۆنا دەبن
بەپێی لێكۆڵینەوەیەك ئەو كەسانەی چاویلەكە لەچاودەكەن مەترسی تووشبوونیان بەجۆری نوێی كۆرۆنا كەمترە بەبەراورد بەكەسانی تر .
توێژینەوەكە لەلایەن ژمارەیەك توێژەری هیندییەوە ئەنجامدراوە و لەرۆژنامەی تەلەگرافی بەریتانی بڵاوكراوەتەوە ، تێیدا ئاماژە بەوەكراوە ئەو كەسانەی كە چاویلەكە لە چاو دەكەن بەهۆی ئەوەی خوی چاو خوراندنیان كەمترە بەكەسانی ئاسایی ، مەترسی تووشبوونیان بەڤایرۆسی كۆرۆنا كەمترە .
لە لێكۆڵینەوەكەدا توێژەرەكان 304 كەسیان بەنمونە وەرگرتووە و لە یەكێك لەنەخۆشخانەكان لە ناوچەی دیهاتی باكووری هیندستان بەشێوەیەكی بەردەوام پشكنینیان بۆ ئەنجامداون ، پشكنینەكە دەریخستووە ئەو كەسانەی رۆژانە بۆ هەشت سەعات بەشێوەیەكی بەردەوام چاویلەكەیان لەچاوكردووە ، كەمتر تووشی كۆرۆنا بوون بەبەراورد بە كەسانی تر .
لە توێژینەوەكەدا ئاماژە بەوەدراوە كەسێك ئاسایی لەهەر سەعاتێكدا لانی كەم 23 جار دەستی بەرچاوی دەكەوێت ، بەڵام لەچاوكردنی چاویلكە ئەو خووەی بۆ سێ جار لەسەعاتێكدا كەمكردۆتەوە ، راشیانگەیاندووە كە لەسەرەتایی بڵاوبوونەوەی كۆرۆناوە ئاماژەی پێكراوە دەستدان لەدەم و چاو هۆكارێكە بۆ گواستنەوەی ڤایرۆسی كۆرۆناوە و یەكێكە لە هۆكارە سەرەكییەكانی تووشبوون بەڤایرۆسەكە .
لە تۆڕە کۆمەڵایەتیەکان شەیری بکە