.
05:40 PM - 18/01/2021
ئەمڕۆ دووشەممە 18ی كانونی دووەمی 2021، کۆسرەت کارگێڕی مەکتەبی سیاسی و میران محەمەد ئەندامی مەكتەبی سیاسی و حاجی مەسیفی و فەهمی بورهان ئەندامانی سەركردایەتی یەكێـتی، لەبارەگای مەكتەبی سیاسی لەشاری هەولێر لەگەڵ ژمارەیەک لە نوسەران و نوخبەی شاری هەولێر کۆبوونەوە.
لەكۆبوونەوەكەدا، بیرورا ئاڵوگۆڕكرا و گەلێک بیرۆکە و سەرنج و تەنانەت رەخنەی بنیادنەر خرانەروو،
هەروەها هەڵوێستی یەکێتی نیشتمانی کوردستان لە بەرامبەر کێشەکان و هەروەها لە بەرامبەر بە توێژی نوسەران و رۆشنبیران خرایەروو،
لەو بارەیەوە تەئكید كرایەوە لەژیانێکی شایستە و ئازادی ڕادەربڕین و سەروەری یاسا و دادپەروەری خاڵی هاوبەشی نێوانمانە کە بەبێ وچان هەموومان پشتگیر و پشتیوانی یەکتری لەسەربکەین و شکۆی نوسەران و مەردایەتی قەڵەمیان نادیدە نەگرین و رێزلێگیراوبن.
یەكێتی دەیەوێت ئامادەگیەکی زیاتری هەبێت لە پشتیوانی نوسەران و بەچەشنی مێژویی یەکێتی لە بواری ئەدەبیات و نوسیندا بەتایبەت بۆ نوسەرانی هەولێری پایتەخت تاوەکو بەهای فەرهەنگ و رۆشنبیریمان لەم هەلومەرجە نەخوازراوەدا بپارێزین.
هەر لەبەر ئەم راستیانەی لای سەرەوەبوو کە لەو کۆبونەوەیەدا بڕیاری پشتگیری دامەزراندنی ناوەندێکی رۆشنبیری درا کە ببێتە ماڵێک بۆ نوسەران و ئاوێزەیەک بێت بۆ رەنگینتر کردنی پێڕستی ئەدەبیاتی کوردی
لە تۆڕە کۆمەڵایەتیەکان شەیری بکە