.
03:19 PM - 06/01/2021
ئەمڕۆ دوو شەممە ٦/١/٢٠٢١ نەقیب و ژمارەیەک لەئەندامانی ئەنجومەنی سەندیکای هونەرمەندانی کوردستان، سەردانی فەهمی بورهان لێپرسراوی بۆردی رێکخراوەپیشەییەکانی مەکتەبی رێکخراوەدیموکراتییەکانی (ی.ن.ک)یان کردو لەسەر چەند بابەتێک گفتوگۆیان کرد.
لەدانیشتنەکەدا ، نیاز نوری نەقیبی سەندیکای هونەرمەندانی کوردستان، باسی لە دۆخی سەندیکاو کێشەو گرفتەکانیان و پەیوەندییاکانی سەندیکا کرد لەگەڵ لایەنە پەیوەندیدارەکانی حکومەتی هەرێمی کوردستان، داوایکرد، مەکتەبی رێکخراوەدیموکراتییەکانی یەكێتی زیاتر هاوكارو پشتیوانیان بێت لەباشترکردنی ئەو پەیوەندیانەو دابینکردنی پێداویستی و خواستی هونەرمەندان.
دواتر فەهمی بورهان رایگەیاند، سەندیکای هونەرمەندان سەندیکایەکی گرنگ و چالاکیش بووەو داوادەکەین بەبێ جیاوازی سیاسی، زیاتر خزمەتی هونەرمەندان بکەن، هەموو پشتیوانییەکی مەکتەبی رێکخراوەدیموکراتییەکان و بۆردی رێکخراوە پیشەییەکانی بۆ دوپاتکردنەوە.
دواتر وەفدی سەندیکای هونەرمەندان سەردانی میران محمد لێپرسراوی مەکتەبی رێکخراوەدیموکراتییەکانی (ی.ن.ک)ی کردو پشتیوانی خۆی و مەکتەبی رێکخراوەدیموکراتییەکانی بۆ دوپاتکردنەوە.
لە تۆڕە کۆمەڵایەتیەکان شەیری بکە