.

02:59 PM - 20/11/2020

یانەی ریاڵ مەدریدی ئیسپانی جۆر و شێوازی ئەو پێكانەی دەستنیشانكرد كە سیرجیۆ رامۆسی بەرگریكاری كاپتنی یانەكە دووچاری هاتبوو   ئەو یاریزانە ئیسپانییە لە یاری هەڵبژاردەكەی بەرامبەر هەڵبژاردەی ئەڵمانیا دووچاری پێكان هات و نەیتوانی بەو هۆیەوە یاریەكە تەواوبكات   لای خۆشیانەوە ئیدارەی یانەمەدردییەكە لە بەیاننامەیەكدا بڵاویان كردەوە : دوای ئەنجامدانی ئەو پشكنینە پزیشكیانەی بۆ رامۆس ئەنجامدرا دەركەوت ئەو بەرگریكارە ئیسپانییە دووچاری گرژبوون لە ماسولكەكانی رانی راستیدا هاتووە و یانەكەش لە چاوەروانی گۆڕانكاری جۆری پێكانەكە و وەڵامدانەوەی یاریزانی ناوبراوە لە  وەرگرتنی چارەسەرەكان   لە لایەكی ترەوە و بە پێی ئەو هەواڵەی پێگەی ئەلیكترۆنی دیڤینسا سێنترال بڵاویكردۆتەوە : سیرجیۆ رامۆس بۆ ماوەی دوو هەفتە لەیارییەكانی یانەكەی دادەبڕێت و بەم هۆیەش بەشداری هەردو یاری یانەكەی لەبەرامبەر یانەی ڤیارێال و دیپۆرتیڤۆ ئالاڤیس لە خولی یانەكانی ئیسپانیا و لە بەرامبەر یانەی ئینتەرمیلان لە چامپیۆنس لیگ ناكات   پێگە ئەلیكترۆنیەكە ئاماژەی بەوەشكرد پێدەچێت رامۆس بۆ یاری میرینگی لەبەرامبەر یانەی شاختار دۆنیتسكی ئۆكرانی لە چامپیۆنس لیگ بگەڕێتەوە