.
02:32 PM - 29/10/2020
كۆسرەت رەسوڵ عەلی سەرۆكی ئەنجومەنی باڵای سیاسی و بەرژەوەندی یەكێتی نیشتمانی كوردستان لە یادی لەدایكبوونی پێغەمبەری ئیسلام د.خ پەیامێكی پیرۆزبایی ئاڕاستەی مسوڵمانان كردووە و تێیدا پیرۆزبایی لەسەرجەم مسوڵمانان بە گشتی و مسوڵمانانی عیراق و كوردستان بە تایبەتی كردووە و رایگەیاندووە: ئاواتەخوازم یادی لەدایكبوونی پێغەمبەر د.خ بكەینە هەوێنی تەبایی و یەكڕیزی نێو خۆمان.
لەبەشێكی تری پەیامەكەی كۆسرەت رەسوڵ هاتووە لەیادی لەدایكبوونی سەروەری مرۆڤایەتی، جوانترین یادكردنەوە پابەندبوونە بەبەرنامە و پەیامەكانی پێغەمبەرمان و هەوڵدانمان بۆ پێكەوەژیان و تەبایی و یەكڕیزی نێوانمان و چارەسەركردنی كێشە و قەیرانەكان، لە كۆتایی پەیامەكەشیدا كۆسرەت رەسوڵ رایگەیاند داواكارم هەموومان تەبایی و یەكڕیزی نێوانمان بپارێزین و بە برایەتی و تەباییەوە بژین.
لە تۆڕە کۆمەڵایەتیەکان شەیری بکە
