.
10:38 PM - 24/10/2020
لەیادی یەكەمین ساڵڕۆژی كۆچی دوای مامۆستا عەبدولحەمید دەروێش سەرۆكی حزبی دیموكراتی پێشكەوتنخوازی كورد لەسوریا و یەكێك لە دێرینترین سەركردەی كورد لەسوریا و دۆستی دێرینی سەرۆك مام جەلال ,وەفدێكی سەركردایەتی یەكێتی نیشتمانی كوردستان سەردانی بارەگای نوێنەرایەتی حزبی پێشكەوتنخوازیان كرد لە شاری سلێمانی و لەلایەن عەلی شەمدین ئەندامی مەكتەبی سیاسی و لێپرسراوی پەیوەندییەكان و ژمارەیەك لە كادیرانی حزبەكەیانەوە پێشوازی لێكرا, لە دیدارێكدا ئەندامانی سەركردایەتی یەكێتی وێڕای دەڕبڕینی هاوخەمی و وەفاداری یەكێتی رایانگەیاند ڕۆژئاوای كوردستان لەهەموو كات زیاتر پێویستی بە ئەزموون و روڵی ئەو سەركردە نەمرە هەبووە و ماڵئاوایی بۆشاییەكی گەورەی دروست كردووە.
لەبەرامبەردا علی شەمدین بەناوی حزبەكەیانەوە خۆشحاڵی خۆی بۆ ئەو سەردانە دەربڕی و رایگەیاند باشترین وەفاداری بۆ رۆحیانەتی سەرۆك تاڵەبانی و سەركردە عەبدولحەمید دەروێش ئەوەیە كە هەردوولامان درێژە بە ڕێبازەكانیان بدەین و گەشەی زیاتر بە پەیوەندییەكانی نێوان هەردوولامان بدەین.
لە تۆڕە کۆمەڵایەتیەکان شەیری بکە
