.
04:30 PM - 19/10/2020
حكومەتی هەرێم راپۆرتی سێ مانگی یەكەمی جێبەجێكردنی یاسای چاكسازیی رەوانەی پەرلەمانی كوردستان كرد.
لەوبارەیەشەوە عەبدولحەكیم خەسرۆ سكرتێری لیژنەی باڵای چاكسازی لە حكومەتی هەرێم رایگەیاند: راپۆرتی چاكسازی راپۆرتێكی گشتگیرە و هەموو بوارەكان لە خۆدەگرێت وەك ( یاسای چاكسازی لە دەرماڵە و مووچە و خانەنشینی و هەموو ئەو مینحە و ئیمتیازانەی لە بودجەی گشتی هەرێمی كوردستان) دەدرێن.
هەروەك راپۆرتەكە وەڵامی بەشێك لەو پرسیارانەی تێدایە كە پەرلەمانتاران لە سەرۆكی حكومەت و جێگرەكەیان كرد كاتێك سەرەتای ئەم مانگە چوونە بۆ پەرلەمانی كوردستان.
وتیشی: لەبارەی چاكسازی لە خانەنشینی هەنگاوی باش نراوە، بەتایبەتی لە دەركردنی پەیڕەوی سندوقی خانەنشینی و ئامادەكردنی رێنمایی و دووبارە پێداچوونەوەكردن بە هەیكەلبەندی بەڕێوەبەرایەتی خانەنشینی.
جێی ئاماژەیە دوای پەسەندكردنی یاسای چاكسازی لە پەرلەمانی كوردستان لە مانگی تەمموزەوە یاساكە چووەتە بواری جێبەجێكردنەوەو حكومەتی هەرێمی كوردستانیش بڕیاریداوە هەر سێ مانگ جارێك راپۆرتێك لەسەر چۆنێتی جێبەجێكردنی یاساكە بە پەرلەمانی كوردستان و دیوانی چاودێری دارایی هەرێم بدات.
لە تۆڕە کۆمەڵایەتیەکان شەیری بکە