.
03:17 PM - 17/10/2020
قوباد تاڵەبانی جێگری سەرۆكی ئەنجومەنی وەزیرانی هەرێمی كوردستان، سەبارەت بەسووتاندنی ئاڵای كوردستان لەبەغدا رایگەیاند" قوباد تاڵەبانی سووتاندنی ئاڵای پیرۆزی كوردستان كە سیبمولی باڵای گەلەكەمانە و هەروەها هەڵكوتانە سەر بارەگای پارتی دیموكراتی كوردستان لە بەغدا بە شێوازێكی نایاسایی و ناشارستانی جێگای قبوڵكردن نییە و هێرشە بۆسەر هەموو پیرۆزی و بارەگا كوردستانییەكان لە پایتەختی فیدراڵی عێراق".
قوباد تاڵەبانی، راشیگەیاندووە" بە توندی ئیدانەی ئەم هەنگاوە دەكەم و داواش لە هێزە عێراقییە هاوپەیمان و دۆستەكانمان دەكەین لە بەغدا لەسەر ئەم بێڕێزیكردنە بێنە دەنگ كە پێشێلكردنێكی گەورەی یاسا و دەستور و سیمای فرەجۆری عێراقە و زاڵكردنی هێزی چەكە بەسەر مەنتیقی عەقڵ و دیالۆگدا و ئەمەش دەمانخاتە بەردەم بەرپرسیارێتی گەورەی یەكڕیزی و یەك هەڵوێستی كورد بۆ بەرەنگاربوونەوەی مەترسییەكانی سەرمان كە ئەمڕۆ گەلەكەمان لەهەموو كات زیاتر پێویستی بەیەكریزی و تەبایی هەیە".
لە تۆڕە کۆمەڵایەتیەکان شەیری بکە