.
05:57 PM - 26/09/2020
بافڵ تاڵەبانی ، ھاوسەرۆکی یەکێتیی نیشتمانیی کوردستان لە مەکتەبی سیاسی لە سلێمانی پێشوازیکرد لە مارتن ھووس باڵیۆزی یەکێتی ئەوروپا لە عێراق و
ڤینسۆ گیۆم پۆپۆ لێپرسراوی نوسینگەی پەیوەندییەکانی یەکێتی ئەوروپا لە هەرێمی کوردستان .
لەدیدارێکی دۆستانەدا دواین پەرەسەندنە سیاسییەکان و رووداوەکانی پەیوەست بەھەرێم و عێراق و رۆژھەڵاتی ناوەڕاست خرایە بەرباس و لەڕوانگەی سیاسەتی یەکێتی بۆچوونەکان خرانەڕوو .
لای خۆیەوە ھاوسەرۆک بەوردی لەسەر پرسەکان روئیای یەکێتی روونکردەوەو رایگەیاند سیاسەتی روون و نیشتمانیمان ، بڕیاری گەڵاڵەکراوی یەکێتییە بۆ ھەموو ئەو بارودۆخانەی دێنە پێش و کاریگەرییان لەسەر ھەرێم ھەیە بۆ ئەوەش یەکێتیی نیشتمانیی کوردستان خاوەن ستراتیژێکی یەکێتییانەیە بە رەچاوکردنی دۆخی ناوچەکەو حکومڕانییەکی باشتر کە وەڵامدەرەوەی پێویستی و داخوازییەکانی ئەمڕۆی خەڵک بێت .
ھەر لەدیدارەکەدا بافڵ تاڵەبانی ئاشکراشیکرد یەکڕیزی نیشتمانی و چاکسازی ریشەیی لە ئیدارەدان و دەوڵەتداری و دامەزراندنی وەحدەی نیشتمانی کوردستانی ، دیدگامانە بۆ ھەرێمێکی ئاوەدانترو عێراقی فیدڕاڵ کە شەراکەتی راستەقینەو دەستوور بنەمای پەیوەندییەکانمان بێت .
لە تۆڕە کۆمەڵایەتیەکان شەیری بکە