.

01:44 PM - 26/09/2020

بەرشەلۆنە و بایرن میونشن لە كێبڕكێدان بۆ گواستنەوەی دێست
 سێرجینیۆ دێستی ئەمریكی و ئەستێرەی لاوی یانەی ئەیاكس ئەمستەردامی هۆڵەندی لەلایەن دوو یانەی بەهێز و ناوداری كیشوەری ئەوروپا و جیهانەوە كراوەتە ئامانج و لە هەوڵێكی زۆریشدان لە میركاتۆی هاوینەی ئەم وەرزەدا گرێبەستی لەگەڵ ئیمزا بكەن.
  سەرچاوەیەكی نزیك لە یانەی ئەیاكس ئەمستەردام بڵاویكردۆتەوە : بەرپرسانی هەردوو یانەی بەرشەلۆنەی ئیسپانی و بایرن میونشنی ئەڵمانی گرنگییەكی زۆر بە تواناكانی سێرجینیۆ دێست دەدەن و لە هەوڵی ئەوەشدان لە نزیك ترین كاتدا بۆندەكەی بە سوودی خۆیان یەكلایی بكەنەوە  ئەو سەرچاوەیە ئاماژەی بەوەشداوە : بەرپرسانی هەر دوو یانەی ناوبراو لە ماوەی رابردوودا پەیوەندیان بە بەڕێوەبەری كارەكانی دێستەوە كردووە و تا ئێستاش ئەو یاریزانە ئەمریكیە خۆی یەكلایی نەكردۆتەوە كە لە میركاتۆی هاوینەی ئەم وەرزەدا پەیوەندی بە چ یانەیەكەوە بكات .
 ئەو سەرچاوەیە باسی لەوەش كردووە : بەرپرسانی یانە كەتەلۆنیەكە و ئیدارەی یانە باڤارییەكە ئامادەییان نیشانداوە بڕی بۆندی ناوبراو بدەنە یانەی ئەیاكس كە وا چاوەڕوان دەكردێت بۆندی ئەو یاریزانە تەمەن 19 ساڵە بگاتە بڕی 25 ملیۆن یۆرۆ.