.
01:42 PM - 26/09/2020
دۆگڵاس كۆستای بەڕازیلی لە لایەن وڵڤەرهامتۆنەوە داواكراوە
بەرپرسانی یانەی وڵڤەرهامتۆنی ئینگلیزی هەوڵەكانیان بۆ گواستنەوەی دۆگڵاس كۆستای بەڕازیلی چڕكردۆتەوە و بە پێی زانیاری سەرچاوەكانی هەواڵیش بەرپرسانی ئەو یانەیە ئامادەن بۆندێكی گرانبەها بۆ كڕینی ناوبراو تەرخان بكەن .
سەرچاوەكانی هەواڵ ئاماژە بەوە دەكەن : بەرپرسانی وڵڤەرهامتۆن لە ئامادەكاریدان تا لە پێناو گواستنەوەی كۆستا گفتوگۆكانیان لەگەڵ ئیدارەی یانەی یۆڤانتۆسی ئیتاڵی دەست پێ بكەن .
سەرچاوەكانی هەواڵ باسیان لەوەش كردووە : لە ماوەی چەند رۆژی داهاتوودا بەرپرسانی یانە وڵڤەر داوایەكی رەسمی و بۆندێكی گرانبەها دەخەنە بەردەستی ئیدارەی خانمە پیرەكە ئەویش بە هیوای ئەوەی هەردوو یانە لەسەر بۆندی ئەو یاریزانە بگەنە رێكەوتنی سەرەتایی لەلایەكی تریشەوە سەرچاوەكانی هەواڵ ئاشكرایان كردووە : جگە لە یانەی وڵڤەرهامتۆن چەند یانەیەكی تری ئینگلیزی ئارەزوویەكی زۆر دەكەن بە كڕینی دۆگڵاس كۆستای تەمەن 30 ساڵ.
لە تۆڕە کۆمەڵایەتیەکان شەیری بکە