.
09:08 PM - 16/09/2020
نێچیرڤان بارزانی و قوباد تاڵەبانی كۆبونەوە
لەشاری هەولێر نێچیرڤان بارزانی سەرۆكی هەرێمی كوردستان و قوباد تاڵەبانی جێگری سەرۆكی حكومەتی هەرێمی كوردستان كۆبونەوە.
لە كۆبوونەوەیەكەدا كە جێگرانی سەرۆكی هەرێمی كوردستان ئامادەی بوون، قوباد تاڵەبانی پوختەیەكی دەربارەی دوایین بەرەوپێشچوونەكانی گفتوگۆی هەرێمی كوردستان و حكومەتی عیراق خستەڕوو، تەئكید لەسەر ئەوە كرایەوە كە هەرێمی كوردستان پابەند دەبێت بەوەی هەموو كێشە هەڵپەسێردراوەكان لەگەڵ بەغدا لەسەر بنەمای دەستوور چارەسەر بكات.
تەوەرێكی تری كۆبوونەوەكەی نێچیرڤان بارزانی و قوباد تاڵەبانی گفتووگۆكردن بوو لەسەر دۆخی سیاسی و ئابووری و هەنگاوەكانی بەرەنگاربوونەوەی پەتای ڤایرۆسی كۆرۆنا، سەرۆكی هەرێمی كوردستان و جێگری سەرۆك وەزیران تەئكیدیان لەسەر پێویستیی هەماهەنگیی زیاتری نێوان لایە‌نە‌كان و تەبایی بۆ تێپەڕاندنی كێشە و قەیرانەكان كردەوە.
لە تۆڕە کۆمەڵایەتیەکان شەیری بکە
