.
01:28 PM - 14/08/2020
لیوا یەحیا رەسوڵ وتەبێژی فەرماندەی گشتی هێزە چەكدارەكانی عیراق لەبەیاننامەیەكدا بڵاویكردەوە، مستەفا كازمی خەڵاتی رێزلێنانی بەخشیوەتە وسام رەعد سەبیح زوبێدی لە هێزەكانی فریاكەوتنی ناوچەی كەرخی بەغدا و لەنوسراوێكیشدا سوپاس و پێزانیانی ئاراستەی ئەو ئەفسەرە كردووە و پلە بەرزكردنەوەكەشی شەش مانگ پێشخستووە، ئەوەش لەبەرامبەر هەڵوێستی یاسایی و پابەندبوونی و بەباشی هەڵسوكەوتكردن و دانبەخۆداگرتنی لەبەرامبەر بە ژمارەیەك لەو كەسانەی بەناوی خۆپیشاندەرەوە هێرشیانكردبووە سەری.
لیوا یەحیا رەسوڵ باسی لەوەشكرد، مستەفا كازمی تەئكیدی لەسەر بەكارنەهێنانی توندوتیژی لەلایەن هێزە ئەمنیەكانەوە كردۆتەوە و راشیگەیاندووە: رێكاری یاسایی بەرامبەر هەر كەسێك دەگرنەبەر كە بەپێچەوانەی یاساوە هەڵسوكەوت بكات.
لە تۆڕە کۆمەڵایەتیەکان شەیری بکە
