.
01:07 PM - 08/08/2020
دوا بە دوای تەواو بوونی یاری یانەكەی بەرامبەر بە یانەی ریاڵ مەدرید پیپ گواردیۆلای ئیپانی و راهێنەری یانەی مانچستەرسیتی ئینگلیزی لە كۆنگرەیەكی رۆژنامەوانیشدا رایگەیاند كە لە گێمی یەكەمی یاریەكەدا یانەكەیان دووچاری ئاستەنگی زۆر بۆتەوە بەڵام لە گێمی دووەمدا توانیویانە ئاستێكی زۆر بەرز پێشكەش بكەن و كۆنترۆڵی نێو یاریگاش بگرنە دەست لە درێژەی قسەكانیدا گواردیۆلا ئاماژەی بەوە كردووە : لە دوو یاری رابردوویاندا بەرامبەر بە ریاڵ مەدرید ئەركیان ئاسان نەبوو بەڵام بە لێهاتوویی و ئاست بەرزی یانەكەیان توانیان بەربەستی یەكێك لە بەهێز ترین یانەكانی ئەوروپا ببڕن و بگەنە قۆناغی داهاتوو سەبارەت بە رووبەرووبوونەوەی یانەكەیان لە قۆناغی داهاتوودا بەرامبەر بە یانەی لیۆن ئەو راهێنەرە رایگەیاندووە : رێزێكی زۆر لە یانەی لیۆن دەگرن و بە هەموو توانایەكی خۆشیانەوە بۆ ئەو یاریە ئامادەكاری دەكەن .
لە تۆڕە کۆمەڵایەتیەکان شەیری بکە