.
05:01 PM - 06/08/2020
لیژنەی دارایی پەرلەمانی عیراق ئاشكرای دەكات كە گرفتەكانی پێدان و دابینكردنی مووچەی فەرمانبەران لە عیراق بۆ ساڵی داهاتووش بەردەوام دەبێت و لەسەرەتای ساڵی 2021یشەوە نیشانەكانی بەدەردەكەون.
لەوبارەیەشەوە ئەحمەد مەزهەر ئەندامی لیژنەی دارایی پەرلەمانی عیراق رایگەیاند: راستە بۆ ئەمساڵ توانراوە دڵینیایی لە دابینكردن و پێدانی مووچەی تەواوی فەرمانبەران بدرێت بەڵام بۆ ساڵی داهاتوو دووبارە گرفتەكان لەگەڵ بودجەی ساڵی نوێدا سەرهەڵدەدەنەوە.
وتیشی: تێپەراندنی ئەمساڵ بەبێ بوونی بودجە بەو واتایە نایەت كە عیراق لە كێشە داراییەكانی رزگاری بووە بەڵكو بەراورد بە ساڵانی رابردوو قەرزێكی دارایی زیاتری ناوخۆیی و دەرەكی لەسەر كەڵەكەبووە و ئەگەر نرخی نەوت و داهاتە ناوخۆییەكانیش لەباج و گومرگەكان نەتوانن پارسەنگی داهاتە داراییەكانی عیراق بكەنەوە ئەوا دۆخەكە بەرەوخراپتر دەروات.
وتیشی: لەپاش 2003وە سیاسەتی دراوی عیراق رووبەرووی وێرانكاری زۆر بۆتەوەو پێویستە پلان و ستراتیژیەتی دوورمەودای نوێ و تۆكمەی بۆ دابرێژرێت.
لە تۆڕە کۆمەڵایەتیەکان شەیری بکە