.
04:32 PM - 03/08/2020
شەوی رابردوو بەئەنجامدانی پێنج یاری ركابەریەكانی وەرزی 2019 بۆ 2020 ی كاڵچۆ كۆتاییان هات لەیەكێك لەیاریەكانی هەفتەی 38 و كۆتایی خولەكە یانەی جەنەوا دوای بردنەوەی لەهیلاس ڤیرۆنای میوانی بە 3 گۆڵی بێ بەرامبەر لەدابەزین بۆ خولی پلەدوو رزگاری بوو یاریزانانی جەنەوای خاوەن یاریگا هەر لە سەرەتاوە بەئامانجی بردنەوە و مانەوە لەخولەكە بەبەهێزی دەستیان بەیاری كرد و لەدوای 13 دەقیقە یاری كردن ئەنتۆنیۆ سانابریا گۆڵی یەكەم و پێشكەوتنی ئەو یانەیەی تۆمار كرد دوای ئەوە هێرشەكانی خاوەن یاریگا بەردەوام بوو لەدەقیقەی 25 سانابریا گۆڵی دووەمی خۆی و یانەكەی تۆمار كرد پێش كۆتایی هاتنی گێمی یەكەم بەیەك دەقیقە كریستیان رۆمیرۆ گۆڵی سێیەمی تۆمار كرد و لەو گێمەدا جەنەوا بە3 گۆڵ پێش كەوت لەگێمی دووەمدا هەوڵەكانی هەردوو یانە بۆ تۆمار كردنی گۆڵ بەردەوام بوو بەتایبەت لەلایەن یانەی ڤیرۆنای میوان بەڵام سەرجەم ئەو هەوڵانە نەگەیشتنە ئامانج و لەو گێمەدا بەهۆی توند و تیژییەوە ناوبژیوان سێ كارتی سوری بەروی یاریزانان بەرز كردەوە كە لەیانەی جەنەوا كریستیان رۆمیرۆ و فرانشیسكۆ كاساتای كردە دەرەوە و لەهیلاس ڤیرۆناش سڤیان ئامرابت ... ئەمە جگە لەكردنە دەرەوەی ئیڤان یۆریچی راهێنەری ڤیرۆنا یاریەكەش بەبردنەوەی جەنەواو بە 3 گۆڵی بێ بەرامبەر كۆتایی هات بەو ئەنجامەش جەنەوا خاڵەكانی كردە 39 خاڵ ئەم وەرزەی لەپلەی 17ی ریزبەندی كۆتایی پێ هێنا بەجیاوازی 4 خاڵ لەپێش یانەی لیچی
لە تۆڕە کۆمەڵایەتیەکان شەیری بکە