.
11:10 AM - 10/07/2020
تەریقەتی قادر داوا دەكات شوێنكەوتوانی بەشداری لەپرسەی شێخ محەمەد كەسنەزانی نەكەن
تەریقەتی قادری كەسنەزای سەبارەت بەڕێورەسمی بەخاكسپاردنی تەرمی شێخ محەمەد شێخ عەبدول كەریم كەسنەزانی رابەری تەریقەتی قادری راگەیەندراوێكی بڵاوكردەوە و داوا دەكات بەهۆی رێكارەكانی خۆپارێزی لەبڵاوبوونەوەی ڤایرۆسی كۆرۆنا، دەروێش و خەلیفە و شوێنەكەوتوانی لەدەرەوەی وڵات سەردانی هەرێمی كوردستان نەكەن و هەركەسەو لەماڵی خۆی پرسە بگیڕێت.
هاوكات تەرمی شێخ محەمەد شێخ عەبدول كەریم لە وڵاتی ئەمریكاوە بەڕێكراوە و لە رێگەی فڕۆكەخانەی نێودەوڵەتی سلێمانیەوە دەگاتەوە شاری سلێمانی و لە مەراسمێكدا لە تەكیەكەی خۆی بەخاك دەسپێردرێت ، ئامادەكاریەكانیش بۆ مەراسیمی ناشتنەكەی كۆتایی هاتووە و دەروێش و موریدێكی زۆر لە چەندین ناوچەی جیاوازەوە هاتوون بۆ بەشداری لە ناشتنی تەرمی شێخ محەمەد كەسنەزانی.
لە تۆڕە کۆمەڵایەتیەکان شەیری بکە
