.
05:56 PM - 05/07/2020
گەشتەكانی فڕۆكەخانەی سنە دەستپێدەكاتەوە
پارێزگاری سنە بۆ كاروباری ئابووری تەئكیدیكردەوە كە گەشتە ئاسمانییەكان لە فڕۆكەخانەی نێودەوڵەتی سنە دەستپێدەكاتەوە ، لەو بارەیەوە خالید جەعفەری پارێزگاری سنە بە ئاژانسەكانی وڵاتەكەی راگەیاندووە دوای ماوەیەكی زۆر لە پەككەوتنی كارەكان، فڕۆكەخانەی نێودەوڵەتی سنە دەست بە چالاكییەكانی خۆی دەكاتەوە و گەشتە ئاسمانییەكانی دەخاتەوەكار ، راشیگەیاندووە دەستپێكردنەوەكە كاریگەری لە بازرگانی ناوخۆیی و دەرەكی دەبێت و لەڕۆژانی شەممە و دووشەممە و پێنجشەممە 3 گەشت بۆ شارەكانی سلێمانی و ئیستانبوڵ لەڕێگەی فڕۆكەخانەی سنەوە ئەنجامدەدەرێت.
ئەوەش لە كاتێكدایە چەند مانگێكە بەهۆی سەرهەڵدان و تەشەنەكردنی ڤایرۆسی كۆرۆنا گەشتە ئاسمانییەكان لە فڕۆكەخانەی نێودەوڵەتی سنە راگیراوە.
لە تۆڕە کۆمەڵایەتیەکان شەیری بکە